Праўладныя тэлеграм-каналы прагназавалі паездку Лукашэнкі на граніцу з Украінай. Замест гэтага ён інспектуе калгас пад Оршай
Учора Аляксандр Лукашэнка заявіў пра знішчэнне на ўсходзе Беларусі некалькіх паветраных цэляў, якія ляцелі з боку Украіны.
Рэакцыяй на гэта стаў ягоны загад аб узмацненні групоўкі войскаў на Гомельскім і Мазырскім кірунках. А Мінабароны паказала кадры перакідвання тэхнікі ў прызначаныя раёны.
Дзяржаўныя СМІ ў сваю чаргу пачалі кампанію па абвінавачанні Украіны ў жаданні ўцягнуць у вайну Беларусь. А тэлеграм-канал «Беларускі сілавік», які мае больш за 309 тысяч падпісчыкаў, напісаў, што ў нядзелю Лукашэнка «верагодней за ўсё» паедзе на граніцу з Украінай.
![](http://nashaniva.com/img/w732d4webp1/photos/z_2024_08/2024-08-11115629-pu3s4.png.webp)
Гэты допіс перапосцілі многія тэлеграм-каналы, сярод якіх ёсць і канал гродзенскага ГУБАЗіК.
Падобна, ананімны аўтар «Беларускага сілавіка» выдаў жаданае за рэчаіснасць. Бо прэс-служба Лукашэнкі ў нядзелю апублікавала фота, як Лукашэнка прыехаў у агракамбінат «Юбілейны» ў Аршанскім раёне.
![](http://nashaniva.com/img/w732d4webp1/photos/z_2024_08/2024-08-11115913-nycij.jpg.webp)
Каментары