Паводле папярэдняй інфармацыі, сёння ноччу каля 1:40 кіроўца аўтамабіля Tesla каля дома №52 на вуліцы Якубоўскага ў Мінску здзейсніў наезд на пяць прыпаркаваных аўтамабіляў.
Паводле выдання «Мінск-Навіны», 26-гадовы аўтамыйшчык быў п'яны.
Ён скраў аўтамабіль Tesla, які ўладальнік пакінуў на СТА для комплекснага абслугоўвання.
На машыне хлопец паехаў да сваёй дзяўчыны ў госці, але абраў высокую хуткасць і не справіўся з кіраваннем. Ён пратараніў пяць машын, што стаялі прыпаркаваныя каля дарогі. Пасля гэтага Tesla перакулілася.
Хлопец выбраўся з салона і пакінуў месца здарэння. Ён збіраўся схавацца ў сваёй дзяўчыны, але тая яго не прыняла. Тады ён паехаў да бабулі, дзе яго і затрымалі аператыўнікі.
Вядома, што права кіравання ў яго не было.
Пацярпелых у ДТЗ няма.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома6
Каментары