Прэзідэнт Расіі прыбыў у Манголію з афіцыйным візітам.
Гэта яго першая з 2023 года паездка ў якую-небудзь краіну, якая падпісала Рымскі статут і прызнае юрысдыкцыю Міжнароднага крымінальнага суда, які выдаў ордар на арышт Пуціна па падазрэнні ў ваенных злачынствах падчас уварвання ва Украіну.
Самалёт Пуціна прызямліўся ў сталіцы Манголіі Улан-Батары ў панядзелак увечары. Там яго сустрэла ганаровая варта, міма якой ён прайшоў па чырвонай дывановай дарожцы, паведамляе Бі-бі-сі.
Расійскі лідар наведвае Манголію па запрашэнні прэзідэнта краіны Ухнаагійн Хурэлсуха, які зрабіў такую прапанову падчас сустрэчы ў Пекіне восенню 2023 года.
Неўзабаве пасля прыбыцця Пуціна ва Улан-Батар афіцыйны прадстаўнік МЗС Украіны Георгій Ціхі асудзіў рашэнне мангольскіх уладаў не арыштоўваць прэзідэнта Расіі па ордары МУС.
Размешчаны ў Гаазе Суд сцвярджае, што Пуцін нясе адказнасць за незаконную дэпартацыю дзяцей з Украіны ў Расію пасля пачатку поўнамаштабнага ўварвання.
«Невыкананне ўрадам Манголіі абавязковага ордара МУС на арышт Пуціна — гэта цяжкі ўдар па Міжнародным крымінальным судзе і міжнароднай сістэме крымінальнага права, — сказана ў заяве прадстаўніка ўкраінскага замежнапалітычнага ведамства, апублікаванай у яго тэлеграм-канале. — Манголія дазволіла абвінавачанаму злачынцу пазбегнуць правасуддзя, тым самым падзяліўшы адказнасць за яго ваенныя злачынствы. Мы будзем працаваць з партнёрамі, каб гэта мела наступствы для Улан-Батара»»
У панядзелак прэс-сакратар Крамля Дзмітрый Пяскоў зноў заявіў, што ў Маскве не асцерагаюцца арышту Пуціна ў Манголіі па ордары МУС. «З Манголіяй няма такой праблемы», — сказаў ён.
Цяпер чытаюць
Кадэбэшнікі тэлефануюць беларусам у эміграцыі праз іх сяброў — чаго хочуць?2
Каментары