Івашкевіч: Кандыдаты на мясцовых выбарах хай стануць дэлегатамі новага Кангрэсу
На жнівеньскім Сойме Партыі БНФ, які адбыўся 26 жніўня, галоўным пытаньнем парадку дня зьяўлялася кааліцыйнае будаўніцтва. Усе сябры Сойму адзначылі, што сёньня кааліцыя перажывае арганізацыйны крызіс, і неабходныя прапановы па яе рэструктурызацыі.
На жнівеньскім Сойме Партыі БНФ, які адбыўся 26 жніўня, галоўным пытаньнем парадку дня зьяўлялася кааліцыйнае будаўніцтва. Усе сябры Сойму адзначылі, што сёньня кааліцыя перажывае арганізацыйны крызіс, і неабходныя прапановы па яе рэструктурызацыі.
Намесьнік старшыні Партыі БНФ Віктар Івашкевіч прапанаваў схему арганізацыйнага пераадоленьня крызісу з выкарыстаньнем мясцовых выбараў.
Сутнасьць прапановы: усе партыі, якія ўваходзяць у кааліцыю, вылучаюць кандыдатаў на мясцовыя выбары шляхам збору подпісаў. Тыя кандыдаты, якія зьбяруць 500 і болей подпісаў, незалежна ад рэгістрацыі іх ці нерэгістрацыі на выбарах і вынікаў саміх выбараў, пасьля выбараў аўтаматычна становяцца дэлегатамі Кангрэсу АДС, які прымае далейшыя рашэньні. Такая прапанова павінна стымуляваць актыўнасьць і канкурэнтнасьць паміж партыямі, прымусіць іх больш эфэктыўна працаваць.
"Натуральна, - адзначае Віктар Івашкевіч, тут няма стоадсоткавай гарантыі, што, калі мы прымем гэтую прапанову, у кааліцыі будзе кіраваць Партыя БНФ. Усё залежыць ад працы людзей кожнай асобна ўзятай партыі. Тыя, хто незадаволены сваім месцам у кааліцыі, маюць шанец заняць лепшае месца. Вядома, ёсьць пагроза, што малыя партыі ня здолеюць вылучыць па 500 кандыдатаў. Але зноў жа ўсё залежыць ад іх настойлівасьці й актыўнасьці".
Падчас абмеркаваньня прапановы Віктара Івашкевіча на Сойме галасы падзяліліся на тых, хто лічыць такую прапанову небясьпечнай для пазыцыі Партыі БНФ і Аляксандра Мілінкевіча ў кааліцыі, і тых, хто перакананы, што Партыя БНФ мае ўсе шанцы стаць вядучай сілай у кааліцыі і падняць рэйтынг адзінага кандыдата. Было прынята рашэньне стварыць камісію з сябраў Сойму, якія прытрымліваюцца розных думак па гэтым пытаньні. Камісія будзе шукаць кампрамісныя шляхі ажыцьцяўленьня прапановы Віктара Івашкевіча, якая, дарэчы, ужо перададзеная для абмеркаваньня ПКБ, АГП, партыі Працы, БСДП "Грамада" і іншым суб'ектам кааліцыі.
На 30 жніўня прызначаная Палітычная Рада, на якой працягнецца абмеркаваньне схема Віктара Івашкевіча выхаду з арганізацыйнага крызісу кааліцыі з выкарыстаньнем мясцовых выбараў.
Цяпер чытаюць
З псіхбальніцы збег былы начальнік Ганцавіцкай міліцыі14
Каментары