Гарадзенку з хатняй хіміі будуць судзіць паўторна. За «паклёп на Лукашэнку» ёй пагражае да 6 гадоў
Наталлю Антонаву затрымалі падчас рэйда на салідарных з палітвязнямі і, падобна, нешта знайшлі ў яе гаджэтах.
Наталлі Антонавай 64 гады. Яна з Гродна. Наталля гандлявала вырабамі са скуры і футра ды купальнікамі ў гандлёвым цэнтры ў Гродне.
Наталлю ўпершыню затрымалі 17 лістапада 2022 года. Яе вінавацілі ва ўдзеле ў паслявыбарчых пратэстах у Гродне. Тады Антонавай прысудзілі тры гады хатняй хіміі.
Наступны раз яе затрымалі падчас рэйду на салідарных з палітвязнямі ў студзені 2024 года.
Спачатку праваабаронцы меркавалі, што Наталлю Антонаву вінавацяць у здрадзе дзяржаве, але гэта версія не пацвердзілася. Вядома, што пасля яе выпусцілі, але ў лютым 2024 года арыштавалі за «парушэнне рэжыму» і больш не выпусцілі.
Наталлю Антонаву абвінавачваюць па двух артыкулах Крымінальнага кодэкса — «паклёп на Лукашэнку» (ч. 2 арт. 367 КК) і «распальванне варожасці» (ч. 1 арт. 130 КК). Суд над жанчынай пачнецца 4 кастрычніка 2024 года ў Гродзенскім абласным судзе. Ёй пагражае да шасці гадоў калоніі.
Судзіць яе будзе Аляксандр Козел, які раней працаваў у судзе Карэліцкага раёна.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення10
Каментары