На святкаванні «Дажынак» у Капыльскім раёне вясковец напаў з «ружачкай» на старшыню калгаса
Трагедыяй ледзь не скончыліся «Дажынкі» ў адной з гаспадарак у вёсцы Вялікая Раёўка на Капыльшчыне, паведаміла прэс-служба пракуратуры Мінскай вобласці.
У канцы жніўня на вясковым свяце 54-гадовы п'яны мужчына дастаў са сметніцы шкляную бутэльку, разбіў яе і з гэтай «ружачкай» накіраваўся на сцэну, дзе кіраўнік сельгаспрадпрыемства якраз узнагароджваў найлепшых работнікаў.
Як паведамляецца, на сцэне абвінавачаны паспрабаваў ударыць старшыню калгаса «ружачкай» у грудзі. Той, аднак, рукой змог адвесці ўдар, а прысутныя вяскоўцы затрымалі нападніка і ўтрымлівалі яго да прыезду міліцыі.
У выніку ў старшыні быў парэз на пальцы правай рукі, які аднеслі да цялесных пашкоджанняў, што не пацягнулі за сабой кароткачасовага расстройства здароўя.
Нападніку інкрымінуюць ч. 3 арт. 339 Крымінальнага кодэкса (наўмысныя дзеянні, якія груба парушаюць грамадскі парадак і засведчваюць відавочную непавагу да грамадства, якія суправаджаюцца гвалтам з ужываннем прадметаў, якія выкарыстоўваюцца ў якасці зброі для прычынення цялесных пашкоджанняў).
Да суда вясковец застанецца пад вартай.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошняя ўцечка была ў 2026-м, а заснавальнікі — расіяне29
Каментары
Непадалёк сцэны рэзка прычальвае трэера, адкуль выскоквае вайскавы камісар Палямэд з калегамі і хоча загрэсьці Ўліса бараніць сьвятую ахэйскую зямлю ў Малой Азыі.
Ўліс ўдае вар'ята: пачынае прамову пра перавыкананьне поўсьценарыхтовак і айці ліфт.
Палямэд не здаецца адбівае горла піфаса і кідаецца на Ўлісавага немаўля, старшыня саўгаса Ітака вымушаны прызнаць сфальсіфікаванасьць статыстыкі справаздачы пра надоепакос, абувае керзачы і адплывае на спэцыяльную вайскавую апэрацыю абароны Ахэі ў Малой Азыі