У Вільні прайшоў другі раўнд Стратэгічнага дыялогу паміж урадам ЗША і дэмакратычным рухам Беларусі
Стратэгічны дыялог — гэта платформа для ўмацавання доўгатэрміновых адносінаў дэмакратычнага руху Беларусі з урадам Злучаных Штатаў Амерыкі, якая стартавала летась. Чарговая ягоная сесія прайшла 4 снежня ў Вільні.
Дыялог, узначалены намеснікам памочніка дзяржсакратара ЗША па еўрапейскіх і еўразійскіх справах Крыстаферам У. Смітам і беларускай дэмакратычнай лідаркай Святланай Ціханоўскай, сабраў прадстаўнікоў розных амерыканскіх урадавых устаноў, а таксама шырокае кола беларускіх дэмакратычных дзеячаў і прадстаўнікоў грамадзянскай супольнасці.
Удзельнікі абмеркавалі рэпрэсіі ў Беларусі, ЗША яшчэ раз падкрэслілі свой заклік да безумоўнага вызвалення ўсіх палітвязняў, якія знаходзяцца ў беларускіх турмах. Таксама Злучаныя Штаты выказалі гатоўнасць садзейнічаць прыцягненню рэжыму да адказнасці за парушэнні правоў чалавека.
Асобная ўвага была нададзена праграмам, накіраваным на прасоўванне і абарону нацыянальнай і культурнай ідэнтычнасці беларусаў, уключаючы іх мову, літаратуру, мастацтва і гісторыю.
Адносна выбараў, запланаваных на 26 студзеня 2025 года, абодва бакі адзначылі, што рэжым Лукашэнкі стварае атмасферу страху, пры якой выбарчыя працэсы нельга лічыць дэмакратычнымі.
З 2020 года агульная сума амерыканскай дапамогі для беларусаў склала больш за 140 мільёнаў даляраў. Злучаныя Штаты таксама выдзелілі 1,5 мільёна даляраў на падтрымку расследаванняў і збор доказаў па справах пацярпелых, а таксама больш за 1,1 мільёна даляраў у выглядзе грантаў для ініцыятыў, якія ўключаюць захаванне беларускай культуры і ідэнтычнасці, навучанне англійскай мове для медыцынскіх работнікаў і дапамогу жанчынам-прадпрымальніцам.
Святлана Ціханоўская ў сваім выступленні зрабіла асноўны акцэнт на ўдасканальванні стратэгіі па падтрымцы Беларусі. Яна адзначыла:
«Калі мы кажам пра палітыку ў дачыненні да Беларусі, ключавым словам павінна быць паслядоўнасць. Менавіта гэтага мы чакаем ад Злучаных Штатаў і ўсіх дэмакратычных саюзнікаў».
На яе думку, у стратэгіі краін Захаду ў дачыненні да Беларусі мусяць быць 4 кампаненты:
1) Ціск на Лукашэнку і яго рэжым. Маюцца на ўвазе эканамічныя санкцыі без шчылінаў, санкцыі супраць Расіі, другасныя санкцыі.
2) Дапамога для людзей, грамадзянскай супольнасці, СМІ, праваабаронцаў, рэпрэсаваных і дэмакратычных інстытутаў.
3) Прыцягненне вінаватых да адказнасці, дакументаванне іх злачынстваў.
4) Абавязацельствы паказваць беларусам альтэрнатыву, што ў іх ёсць будучыня і што яны будуць мець падтрымку падчас пераходнага перыяду.
Другі раўнд Стратэгічнага дыялогу паміж ЗША і дэмакратычнымі сіламі Беларусі пройдзе ў снежні
Ціханоўская абмеркавала з намеснікам дзяржсакратара ЗША закрыццё лазеек у санкцыях
«Зменаў у палітыцы па Беларусі не будзе, але ёсць нюансы». Валер Кавалеўскі — пра тое, чаго чакаць ад Трампа
Ціханоўская павіншавала Трампа з перамогай на выбарах
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча8
Каментары
нават сіпаты скрау́ меньш