Віцебскага доктара будуць судзіць за «рэабілітацыю нацызму». Яго страшна збілі пры затрыманні
12 красавіка 2024 года ў судах двух раёнаў Віцебска разглядаліся справы сяброў — Аляксандра Рандарэнкі і Дзяніса Саўчанкі. Прыяцелям ставілася «прапаганда нацызму» (ч. 1 арт. 19.10 КаАП). І калі для Саўчанкі гэтым адміністрацыйным судом усё і скончылася, то для Рандарэнкі — толькі пачыналася, піша тэлеграм-канал «Витебск, я гуляю!».
Мужчыны трапілі ў суд пасля ўдзелу ў чат-рулетцы. Яны сталі суразмоўцамі правакатара «Разговоры с Палычем» і падчас гутаркі, будучы нападпітку, выказаліся пра падзеі ў маскоўскім «Крокус Сіці Холе», выказалі падтрымку Украіне і дапусцілі зігаванне.
Аляксандра Рандарэнку, які працуе доктарам, сілавікі пасля затрымання жорстка збівалі. А потым для яго пачалася арыштная карусель: пасля 12 красавіка яго судзілі яшчэ 15 красавіка (па ч. 1 арт. 24.23 КаАП), 25 красавіка (па ч. 1 арт. 19.10 і арт. 24.3 КаАП), 22 траўня (па ч. 1 арт. 24.23 КаАП), 13 чэрвеня (па ч. 1 арт. 24.23 КаАП).
Такім чынам, мужчыну па адміністрацыйных артыкулах далі, верагодна, як мінімум 75 сутак арышту. Пры гэтым некаторыя суткі яму далі проста за наяўнасць украінскага вымпела на стале і выкрык «Слава Украіне» падчас трансляцыі ў чат-рулетцы.
Але і пасля адбыцця гэтых сутак Аляксандр Рандарэнка, як выглядае, не вызваліўся. У дачыненні да яго распачалі крымінальную справу за «рэабілітацыю нацызму» (заўв. 1 ч. 1 арт. 130 КК РБ) і «распальванне расавай, нацыянальнай, рэлігійнай альбо іншай сацыяльнай варожасці або варажнечы» (ч. 1 арт. 130 КК РБ).
Судзіць хлопца пачнуць 17 снежня ў абласным судзе ў закрытым рэжыме, суддзя — Яўген Буруноў.
Аляксандр Рандарэнка, імаверна, сын былога галоўнага акушэра Віцебска Ігара Рандарэнкі, памерлага ў 2018 годзе.
За данаты пачынаюць судзіць IT-спецыяліста, якога затрымалі па вяртанні з Літвы
У Гарадку за экстрэмізм асудзілі музыку, якога не аднойчы прызнавалі найлепшым работнікам культуры Прыдзвіння
Жыхару Наваполацка выставілі абвінавачванне ў тэрактах на БАМе
Дваіх жыхароў Магілёва затрымалі нібыта за фінансаванне УСУ
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары