«Гэта, магчыма, найлепшае, што можа з імі здарыцца». Трамп пракаментаваў крах расійскай палітыкі ў Сірыі
Дональд Трамп, які неўзабаве вернецца ў крэсла прэзідэнта ЗША, напісаў у сацсетцы Truth пост, у якім пракаментаваў факт, што Расія не можа абараніць рэжым Башара Асада ў Сірыі, які перад тым шмат гадоў трымаўся дзякуючы яе падтрымцы.
«Менавіта тут былы прэзідэнт Абама адмовіўся выконваць свае абавязкі па абароне «чырвонай лініі на пяску», і пачалося сапраўднае пекла, у якое ўмяшалася Расія. Але цяпер іх, як, магчыма, і самога Асада, выцясняюць, і гэта, магчыма, найлепшае, што можа з імі здарыцца. Для Расіі ў Сірыі ніколі не было асаблівай выгады, акрамя як выставіць Абаму ў кепскім святле», — напісаў Трамп, адзначыўшы пры гэтым, што Расія «загразла ва Украіне», страціўшы «больш за 600 тысяч жаўнераў».
Што да Сірыі, то ў ёй цяпер «поўны бардак, але яна нам не сябар, і Злучаныя Штаты не павінны мець да гэтага ніякага дачынення. гэта не наша барацьба. Хай усё ідзе сваёй чаргой. Не ўмешваемся!»
Паўстанцы ў Сірыі ўзялі Пальміру, штурмуюць Хомс, увайшлі ў Дамаск. Дзе Асад — невядома
Лаўроў назваў апанентаў Асада ў Сірыі «законнай апазіцыяй»
«Панікі няма. Ворагі хлусяць». Як асадаўская прапаганда рэагуе на перспектыву падзення ўласнага рэжыму ў Сірыі
«У нас іншыя прыярытэты цяпер». Расія можа не прыйсці на дапамогу Асаду
Ізраіль не без задавальнення назірае за бітвай гадзюкі і жабы ў Сірыі
Загінуў беларускі добраахвотнік Васіль «Дзір» Рапіцкі11
Каментары
У Сірыі ёсць войскі зша і актывы зша.
І мабыць трохі удзельнічаць ім прыдзецца, хочуць ці няхочуць.