Уводзіцца норма аб пазасудовым парадку задавальнення патрабавання заставатрымальніка за кошт застаўленай маёмасці.
Як паведамляе прэс‑служба кіраўніка дзяржавы, дакумент накіраваны на ўдасканаленне працэдур заставы маёмасці. У дэкрэце прадугледжваецца пашырэнне прымянення заставы (у тым ліку іпатэкі) з дапамогай давання ў заставу маёмасці, замацаванай за арганізацыяй на праве аператыўнага кіравання.
Уводзіцца норма аб пазасудовым парадку задавальнення патрабавання заставатрымальніка за кошт заложанай маёмасці на падставе пагаднення паміж заставадаўцам і заставатрымальнікам, якое можа быць заключана як пасля ўзнікнення падстаў для накладання спагнання на застаўленую маёмасць, так і да гэтага моманту.
Дакументам прадугледжваецца таксама магчымасць замены прадмета заставы любой рухомай маёмасцю па тых жа правілах, якія ўстаноўлены для заставы тавараў у абароце. Гэта дазволіць стабільна працуючым суб’ектам малога і сярэдняга бізнесу, якія не маюць нерухомай маёмасці, закладваць рухомую маёмасць. Пры гэтым за імі захоўваецца права карыстання гэтай маёмасцю і замены яе іншай маёмасцю такой жа вартасці.
Акрамя таго, змяняецца чарговасць задавальнення патрабаванняў крэдытораў пры ліквідацыі юрыдычнай асобы і спыненні дзейнасці індывідуальнага прадпрымальніка.
Увядзенне гэтых норм, як адзначае прэс‑служба прэзідэнта, будзе спрыяць актывізацыі гаспадарчай дзейнасці ў краіне, паслужыць лібералізацыі эканамічнага жыцця.
Дэкрэт набывае моц праз два месяцы пасля яго афіцыйнага апублікавання.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары