Трэці танкер «Волганафта» падаў сігнал бедства. Два яго субраты днямі затанулі
Ужо трэці за некалькі дзён расійскі танкер «Волганафта» падаў сігнал бедства. Ён перавозіць мазут.
Трэці расійскі танкер з серыі «Волганафта» падаў сігнал бедства ў раёне порта Каўказ у Чорным моры. На судне адбылася ўцечка грузу — мазуту.
Капітан танкера «Волганафта-109» падаў сігнал бедства 17 снежня а 00:30. Ён паведаміў, што ў судна, якое перавозіла 4000 тон мазуту, парушаная герметычнасць чацвёртага грузавога танка і мазут выцякае ў баласны танк. Пры гэтым герметычнасць самога корпуса судна, з ягоных слоў, не парушаная, мазут у ваду не выцякае, піша «База».
На борце «Волганафта-109» знаходзяцца 14 членаў экіпажа. Капітану прапанавалі эвакуяваць экіпаж, але ён адмовіўся і папрасіў змяніць якарную стаянку. Цяпер «Волганафта-109» знаходзіцца ў раёне Кучугуры на паўднёва-ўсход ад мыса Пекла ўжо ў Азоўскім моры.
15 снежня два танкеры, «Волганафта-212» і «Волганафта-239», пацярпелі крушэнне ў Керчанскім праліве. Пасля катастрофы мазут з танкераў прыбіла да берагоў Краснадарскага краю — пляжы пачарнелі, ад мазуту пацярпелі жывёлы. Мясцовыя жыхары называюць тое, што адбываецца, экалагічнай катастрофай, на месцы працуюць больш за 250 супрацоўнікаў МНС.
Стала вядома пра арышт мінскага хірурга з 17-гадовым стажам. Ёй пагражае агромністы тэрмін за палітыку2
Каментары