Серыялы па-беларуску з’явіліся на адной з найбольш папулярных стрымінгавых платформаў Польшчы TVP VOD. Сярод іх — польскі серыял пра паўстанне 1863—1864 гадоў «Дзявайціс», піша belsat.eu. Гэта сталася магчымым дзякуючы супрацы «Белсата» з TVP.
Серыял «Дзявайціс» (2023) складаецца з сямі серый і непасрэдна звязаны з Беларуссю.
Ён створаны паводле рамана пісьменніцы Марыі Радзевіч, якая паходзіла з вёскі Пянюга (сёння — Зэльвенскі раён). Сям’я Радзевіч была сасланая ў Сібір за ўдзел у паўстанні 1863—1864 гадоў, а іхні маёнтак канфіскаваны. Пасля вяртання на радзіму яны атрымалі ў спадчыну іншы маёнтак у Беларусі — Грушава на Палессі. Тут рос дуб Дзявайціс, які і даў назву аднайменнаму раману. Але Радзевіч перанесла падзеі, якія адбываліся ў часе паўстання 1863—1864 гадоў у сённяшнім Кобрынскім раёне і побач з рэчкаю Мухавец, на тэрыторыю Жмудзі-Літвы.
Паводле апісання серыяла, «галоўны герой твору — Марэк Чэртван, чалавек слова і гонару, які абяцае бацьку выканаць ягонае перадсмяротнае жаданне. І фактычна паклаў жыццё дзеля служэння гонару. Марэк — быццам легендарны асілак — паспяхова спраўляецца з усімі цяжкасцямі і перашкодамі, якія яго напаткалі, а ў выніку сустракае каханне».
Серыял «Дзявайціс» — і пра нас, беларусаў, ды пра тое, што «гісторыю можна не любіць, але яе не зменіш».
Акрамя «Дзявайціса», на платформе TVP VOD можна паглядзець і іншыя цікавыя серыялы па-беларуску.
Што паслухаць па гісторыі Беларусі? Сабралі найлепшыя падкасты
У новым заходнім блакбастары з зоркай серыяла «Ход каралевы» знайшлося месца Беларусі
«Будзе здымаць маштабныя праекты з сабой у галоўнай ролі». Што думаюць пра новага міністра культуры Чарнецкага яго калегі?
Лукашэнка: Тое, што адбываецца ў беларускім кінематографе, гэта проста ганьба
Рычард Гір прадставіў новы серыял, у якім свае 20 секундаў славы атрымала і Беларусь
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары