У Літве працягвае скарачацца колькасць беларусаў. Як за год змяніліся лічбы
Пасля 2020 года беларусы пачалі актыўна з'язджаць з краіны. Другой па папулярнасці пасля Польшчы стала Літва, але за 2024 год колькасць грамадзян Беларусі там заўважна скарацілася.
Максімальна літоўскі дазвол на жыхарства (любых тыпаў) мелі 62 844 грамадзяніна Беларусі. Так было па стане на 1 красавіка 2024 года. Да таго часу лічба беларусаў у Літве з дзейнымі ДНЖ расла (для параўнання — 1 студзеня 2021 года ДНЖ у Літве мелі 23 440 беларусаў). Але пазней тэндэнцыя змянілася.
Згодна з апошнімі афіцыйнымі звесткамі, па стане на 1 студзеня 2025 года, у Літве засталося 57 511 беларусаў з дзейнымі ДНЖ (любых тыпаў). Гэта мінус 5 333 чалавекі ад піку ў красавіку 2024 года або мінус 4656 беларусаў з ДНЖ у параўнанні з пачаткам мінулага года.
А што з іншымі замежнікамі ў Літве?
Агулам у Літве маюць ДНЖ 217 988 замежнікаў. За год лічба скарацілася амаль на 4 тысячы чалавек. Беларусы ў спісе займаюць другое месца, саступаючы толькі грамадзянам Украіны. Па стане на 1 студзеня ў Літве налічваецца 77 080 украінцаў з дзейнымі ДНЖ. Іх колькасць за год таксама скарацілася (мінус 9 273 чалавекі).
На трэцім месцы ідуць грамадзяне РФ — 14 978 чалавек. Год таму было 15 888. Адметна, што грамадзяне Расіі займаюць першае месца па колькасці трымальнікаў ПМЖ у Літве — 8490, што больш за палову ад агульнай колькасці расіян у Літве. Гэта азначае, што большасць расіян, якія жывуць у Літве, прыехалі туды яшчэ да пачатку поўнамаштабнай вайны ва Украіне.
Каментары
Вы таблічку глядзелі ў артыкуле?
Колькасць азербайджано вырасла ў 7.4 разы.
Бангладешо вырасла ў 18.6 разоў.
Філіпіно вырасла ў 5.6 разоў.
Індзіёс вырасла ў 6.5 разоў.
Казахстано вырасла ў 4.4 разоў.
Кіргізіёс вырасла ў 8.2 разоў.
Молдовос вырасла ў 1.6 разоў.
Нігеріёс вырасла ў 1.5 разоў.
Пакістано вырасла ў 10 разоў.
Сакартвело вырасла ў 2.7 разоў.
Шрі Ланкос вырасла ў 7.2 разоў. Таджыкістано вырасла ў 17.5 разоў.
Тайландо вырасла ў 2.2 разоў.
Турк'ёс вырасла ў 3.6 разоў.
Туркменіёс вырасла ў 2.7 разоў.
Узбекістано вырасла ў 9.7 разоў.
Кітос вырасла ў 1.3 разоў.
Русіёс вырасла ў 1.13 разоў.