Мінчанка пазнаёмілася ў інтэрнэце з «багатым вайсковым хірургам з Даніі» і перавяла яму 40 тысяч рублёў
Пенсіянерка размаўляла з невядомым паўгода. Ён прызнаваўся жанчыне ў каханні і распавядаў пра мільён даляраў на рахунку.
Улетку 2023 года 69-гадовай мінчанцы ў інтэрнэце напісаў незнаёмец па імені Фелікс. Ён прадставіўся ваенным хірургам з Даніі. Перапіска паступова перарасла ў віртуальны раман.
Суразмоўца прызнаваўся жанчыне ў каханні, засыпаў яе рамантычнымі паведамленнямі і абяцаў прыехаць у Беларусь. Ён распавядаў, што на яго рахунку нібыта ёсць мільён долараў, аднак ён не можа карыстацца грашыма, таму што служыць у дацкай арміі.
Даведаўшыся пра гэта, жанчына вырашыла дапамагчы каханаму. Яна пералічвала яму грошы на білеты, перавозку багажу і многае іншае. Усяго за паўтара года зносін Фелікс выцягнуў з пенсіянеркі 40 тысяч рублёў.
З часам пра віртуальны раман даведалася дачка мінчанкі. Яна адчула нешта нядобрае і настаяла на тым, што трэба звярнуцца ў міліцыю. Цяпер па справе праводзіцца праверка.
Каментары