У Лунінцы памёр пісьменнік Мікалай Ільючык, які быў таксама пастарам пратэстанцкай царквы. Яму было 58 гадоў.
Мікалай Ільючык нарадзіўся 10 красавіка 1966 года ў вёсцы Багданаўка Лунінецкага раёна.
У 1983—1984 гадах вучыўся ў ГПТВ-4 г. Магілёва, у 1993-м скончыў Беларускую сельскагаспадарчую акадэмію. Працаваў у калгасе на пасадзе інжынера, з 1995 года ўзначальваў аварыйна-выратавальны пост Міністэрства па надзвычайных сітуацыях.
Пазней працаваў у лунінецкай незалежнай газеце «Информ-прогулка». Быў таксама пастарам адной з цэркваў Рэлігійнага аб'яднання хрысціян веры евангельскай.
Друкаваўся з паэтычнымі і публіцыстычнымі творамі ў прэсе, аўтар некалькі зборнікаў вершаў, дакументальнай аповесці «У памяці ў даўгу», прысвечанай ахвярам Халакосту на Лунінеччыне.
Акрамя таго, выдаў кнігу для дзяцей «Цуд на Каляды», публіцыстычны зборнік «Дарагія мае землякі», а таксама дыскі з песнямі на свае словы «Мелодыі душы» і «Ад зямлі да неба».
Быў сябрам Саюза беларускіх пісьменнікаў.
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары