Іспанская паліцыя затрымала шасцярых удзельнікаў банды, якая прадавала неіснуючых шчанюкоў
Банда падманула сваіх ахвяр на 150 тысяч еўра, а для афёры выкарыстоўвала сайты з аб'явамі аб продажы хатніх жывёл, піша The Guardian.
Удзельнікі банды прапаноўвалі ў інтэрнэце на продаж шчанюкоў, катоў і нават папугаяў. Калі ахвяра тэлефанавала па нумары, ёй дасылалі фатаграфіі будучага гадаванца, каб заахвоціць заплаціць як мага хутчэй.
Як толькі грошы былі адпраўлены, у пакупніка прасілі яшчэ — для аплаты ветэрынараў, падаткаў, прышчэпак ці транспартных выдаткаў. Але людзі так і не атрымлівалі сваіх жывёл.
Паліцыя высветліла, што банда дзейнічала па ўсёй Іспаніі. Усяго яны падманулі людзей на 150 тысяч еўра. Затрыманых абвінавачваюць у махлярстве, прыналежнасці да злачыннай арганізацыі і ўцёках з турмы.
«Пасля ператрусу ў доме аднаго з галоўных падазраваных паліцыянты таксама канфіскавалі пяць мабільных тэлефонаў, а таксама sim-карты, якія выкарыстоўваліся для здзяйснення ашуканскіх дзеянняў», — гаворыцца ў заяве паліцыі.
Чатырнаццаць банкаўскіх рахункаў, якія выкарыстоўвалі падазраваныя, заблакавалі.
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне12
Каментары