Улады Азербайджана вырашылі фактычна закрыць філіял расійскага прапагандысцкага інфармагенцтва Sputnik. Колькасць супрацоўнікаў рэдакцыі скароцяць з 40 да аднаго, піша The Moscow Times.
Па словах крыніц, афіцыйна рашэнне аб фактычнай ліквідацыі «Sputnik Азербайджан» тлумачыцца імкненнем «ліквідаваць няроўнасць» у прадстаўніцтве дзяржаўных інфармацыйных агенцтваў. Улады маюць намер зыходзіць з прынцыпу ўзаемнасці.
Гэта значыць агенцтва «Россия сегодня» і, у прыватнасці, Sputnik, які належыць яму, змогуць захаваць у Азербайджане столькі супрацоўнікаў, колькі працуюць у Расіі ў азербайджанскага Azertag. Цяпер гэта адзін чалавек.
У апошнія гады матэрыялы падкантрольнага Крамлю агенцтва неаднаразова станавіліся аб'ектамі крытыкі Баку як неаб'ектыўныя ці супярэчныя дзяржаўнай палітыцы.
Рашэнне аб поўнай ліквідацыі рэдакцыі Sputnik было прынята на фоне закрыцця ў Баку «Рускага дома».
Адносіны паміж Азербайджанам і Расіяй абвастрыліся пасля крушэння самалёта авіякампаніі AZAL, які ляцеў у Грозны ў снежні 2024 года. Тады загінулі 38 чалавек. Прэзідэнт Азербайджана Ільхам Аліеў абвінаваціў Расію ў спробах «замяць інцыдэнт» і схаваць з дапамогай «вар'яцкіх версій» факт абстрэлу паветранага судна расійскай СПА.
Азербайджан спыніў у краіне дзейнасць «Рассупрацоўніцтва»
У Казахстане апублікавалі папярэднюю справаздачу аб крушэнні азербайджанскага самалёта
Аліеў зноў рэзка прайшоўся па Расіі за збіты самалёт: Мы патрабуем чалавечых паводзін
«Першыя тры дні мы не чулі ад Расіі нічога, акрамя вар'яцкіх версій». Аліеў патрабуе ад Расіі выбачэнняў і прызнання віны
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя16
Каментары