Беларуска прапанавала забіраць на вайсковыя зборы толькі нежанатых мужчын
Прапанова выклікала гарачую дыскусію.
Блогерка Дзіяна Скулінец распавяла, што павестка яе мужу прыйшла нечакана.
«Мы, канечне, чулі пра зборы, але не думалі, што гэта закране нас: у нас пяцімесячнае дзіця. Я ў шоку, муж у шоку, мы ў шоку», — падзялілася ў тыктоку маладая маці.
Дзіяна паскардзілася, што не разумее, як у такой сітуацыі даваць рады адной. Яна лічыць несправядлівым, што адтэрміноўка ад арміі ёсць толькі для тых, у каго трое дзяцей, а сем’і з груднічкамі не лічацца, хаця ім няпроста.
«Я нават не магу адна памыць дзіця, я яго не ўтрымаю — яно ў нас вельмі тоўсценькае, актыўнае».
На погляд дзяўчыны, ідэальна было б забіраць на зборы халасцякоў.
«Я не разумею, няўжо не хапае халасцякоў. Навошта забіраць бацькоў у малалетніх, грудных дзяцей?»
Відэа набрала амаль 600 тысяч праглядаў і выклікала гарачую дыскусію. Некаторыя каментатары падтрымалі дзяўчыну, паспачуваўшы ёй у новых абставінах, а нехта не зразумеў — маўляў, ёсць сем’і ў куды больш складаных сітуацыях.
«У нас чацвёра дзяцей, і муж пайшоў на зборы», «У людзей двойні, і таксама ідуць на зборы», «Нават і з трыма дзецьмі забіраюць — муж быў 50 дзён на зборах», — дзяліліся сваім болем іншыя беларускі.
Нехта прыгадаў досвед жонак дальнабойшчыкаў ці тых, хто працуе вахтавым метадам, — ім таксама няпроста. Асобна выказваліся жанчыны з Украіны, якія праз вайну не бачаць сваіх мужчын ужо па некалькі гадоў.
«Ён не толькі муж і бацька, найперш ён — грамадзянін Рэспублікі Беларусь», «А хто радзіму будзе абараняць, чаму моладзь цяпер такая бездапаможная?» — падключыліся патрыёты.
«У мяне так мужа (жаніха яшчэ) забралі на месяц на зборы за два месяцы да вяселля, таму халасцякоў, ведаеце, таксама такое сабе — хай забіраюць тых, хто косіць ад арміі», — прапанавала яшчэ адна беларуска.
Пасля хвалі парад Дзіяна запісала яшчэ некалькі відэа, дзе яна адказвае хейтарам і просіць іх супакоіцца.
Пра старт чарговай праверкі боегатоўнасці ў Мінабароне заявілі яшчэ ў пачатку лютага. Па словах Віктара Хрэніна, мерапрыемства пачалося «праз асаблівасці актуальных абставін, аднак яно носіць планавы характар».
«Абставіны абавязваюць нас трымаць руку на пульсе і трымаць порах сухім, быць гатовымі да таго, для чаго прызначаныя ўзброеныя сілы, пры патрэбе — забяспечыць абарону суверэнітэту і тэрытарыяльнай цэласці Рэспублікі Беларусь», — цытавала тады яго словы прэс-служба.
Каментары
Если бы кого-то волновало в этой стране, как сделать лучше, то идеальным вариантом было бы дать возможность выбрать дату сборов хотя бы с точностью до квартала или лучше месяца. Или просто оставить обязанность проходить сборы раз в Н лет, в любой месяц по выбору и по предварительной записи. А если надо отработать быструю мобилизацию, то не на месяц сразу, а на пару дней.
Ну и конечно это в отрыве от контекста лукашистской армии и войны под боком. В нашей реальности к этому войску лучше не прикасаться вообще, и защищать тут нечего и не от кого.