Мужчына ў балаклаве ў Салігорску зняў грошы ў банкамаце. І зараз можа сесці на 10 гадоў
Мужчына ў балаклаве здымаў грошы ў банкамаце, і на яго звярнуў увагу юнак. Западозрыўшы нядобрае, студэнт каледжа патэлефанаваў у міліцыю і пачаў сачыць за незнаёмцам, перадаючы яго маршрут, паведамляе абласная міліцыя.
Прыкладна ў той жа час у РАУС паступіла заява аб нападзе. Згаданы 32-гадовы мужчына, схаваўшы твар самаробнай балаклавай, з нажом напаў на 60-гадовую гараджанку ў лесе.
Ён адабраў у жанчыны банкаўскую картку і смартфон, прымусіў назваць ПІН-код і зняў 400 рублёў з рахунку.
Але дзякуючы пільнаму студэнту рабаўніка затрымалі і змясцілі ў ізалятар часовага ўтрымання. У дачыненні да яго заведзена крымінальная справа па артыкуле «разбой», што караецца да 10 гадоў калоніі.
На напад яго падштурхнула гульнявая залежнасць.
Каментары