Аператар электрасувязі «Белтэлекам» паведаміў, што ў красавіку для яго абанентаў павялічацца тарыфы на асобныя паслугі.
Як паведамілі ў «Белтэлекаме», з 8 красавіка будуць павышаныя некаторыя тарыфы на дзясяткі паслуг для фізічных і юрыдычных асоб.
Так, з названай даты абаненцкая плата за асноўны стацыянарны тэлефон вырасце да 4,05 рубля (+17 капеек), а кошт хвіліны злучэння — да 0,85 капейкі (+0,05 капейкі). Пры гэтым міжгароднія званкі падаражэюць да 2,2 капейкі за хвіліну (+0,1 капейкі).
У той жа час адзначаецца, што павышэнне тарыфаў не закране такіх паслуг, як наданне доступу ў Інтэрнэт (byfly), пакеты паслуг электрасувязі, відэаканферэнцыя, VPN, а таксама наступных:
- наданне аператарам электрасувязі доступу да міжнародных сетак перадачы даных, уключаючы сегмент інтэрнэт;
- пастаянны доступ у сетку Інтэрнэт на базе сетак 2G/3G;
- наданне ў карыстанне лічбавых міжгародніх і міжнародных каналаў;
- эфірная трансляцыя тэлевізійных і гукавых праграм;
- доступ да платформаў;
- «Цэнтр відэакантролю»;
- «Разумны прыпынак».
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары