У Барысаве ўдалося выратаваць 38‑гадовую жанчыну, якая скочыла ў ваду з пешаходнага моста. Здарэнне адбылося 30 кастрычніка непадалёк ад мясцовай выратавальнай станцыі. Пра гэта паведамілі ў Мінскай абласной арганізацыі Таварыства ратавання на водах.
Фота: mlyn.by
Супрацоўнікі ратавальнай станцыі аператыўна прыбылі на месца здарэння і выцягнулі жанчыну на бераг. Пасля яе перадалі медыкам.
Выратаваць жанчыну дапамог і выпадковы сведка. Ён неадкладна кінуўся ў ваду і далучыўся да супрацоўнікаў Таварыства ратавання на водах. Дзякуючы супольным намаганням жанчыну ўдалося выратаваць.
Цяпер ратавальнікі шукаюць невядомага мужчыну, каб адзначыць яго смеласць і неабыякавасць і ўзнагародзіць за дапамогу. Пасля здарэння ён адразу пакінуў месца здарэння.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары