Затораў у Мінску стане меней? Па другім кальцы пракладуць аптычную магістраль для святлафораў
У Мінску абновяць сістэму кіравання дарожным рухам. Для гэтага па контуры другога транспартнага кальца пракладуць хуткасную валаконна-аптычную магістраль. Інфармацыю пра гэта апублікаваў Дзяржаўны ваенна-прамысловы камітэт, паведамляе Office Life.
Праектная дакументацыя на новую падсістэму відэакантролю ўжо прайшла дзяржаўную будаўнічую экспертызу, а распрацоўшчыкам выступіла ААТ «АГАТ — сістэмы кіравання».
Па сутнасці, новая магістраль стане асновай для паўнавартаснай інтэлектуальнай транспартнай сістэмы сталіцы. З яе дапамогай камп’ютар зможа аператыўна змяняць фазы працы святлафораў у залежнасці ад бягучай інтэнсіўнасці руху транспарту. Гэта дазволіць паменшыць заторы і падрыхтаваць Мінск да ўкаранення тэхналогій разумнага горада.
Работы плануюць пачаць у 2027 годзе. Працягласць новай апорнай сеткі складзе больш за 55 кіламетраў.
Аптычнае «кальцо» злучыць святлафоры і камеры з Цэнтральным пунктам кіравання. Спецыяльна для праекта інжынеры распрацоўваюць новы пратакол сувязі, каб дарожныя кантролеры падключаліся да цэнтра непасрэдна праз оптавалакно.
Кальцавая архітэктура забяспечыць дадатковую надзейнасць сістэмы: нават калі кабель у нейкім месцы будзе пашкоджаны, сувязь не перапыніцца.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары