Грантавы конкурс для беларускай культуры — якія праекты могуць падацца
ArtPower Belarus запускае працяг конкурснай праграмы для беларускіх творцаў і культурніцкіх ініцыятываў і абвяшчае новы набор заявак. Цяпер яшчэ больш магчымасцей для тых, хто працуе з ідэямі, супольнасцямі і сэнсамі.
Прадугледжаны два кірункі фінансавання:
— арганізацыйнае развіццё: умацаванне каманды, паляпшэнне інфраструктуры, распрацоўка стратэгій, новыя праграмы і партнёрствы,
— крэатыўныя праекты: стварэнне і рэалізацыя мастацкіх і міжсектаральных ініцыятыў, публічныя падзеі, даследаванні і адукацыйныя фарматы. Фарматы грантаў MINI і MIDI.
Памер фінансавання:
— MINI: 3 000 — 10 000 €
— MIDI: 10 000 — 60 000 €
— Арганізацыйныя гранты: 10 000 — 60 000 €
Дэдлайны:
- творчыя праекты: да 15 ліпеня
- арганізацыйнае развіццё: да 29 ліпеня
Хто можа ўдзельнічаць:
- беларускія культурніцкія дзеячы ўнутры краіны і ў выгнанні
- арганізацыі і ініцыятывы
- партнёрскія і міжсектаральныя праекты
У жніўні таксама адкрыецца асобны трэці кірунак — фінансаванне ў надзвычайных сітуацыях.
Падаць заяўку на грант можна па спасылцы.
На ўсе пытанні, звязаныя з праектам ArtPower Belarus, адкажуць на інфасесіі 17 чэрвеня. Зарэгістравацца на сустрэчу можна тут.
Ініцыятыва рэалізуецца Беларускай Радай культуры ў партнёрстве з Дацкім інстытутам культуры і фінансуецца Еўрапейскім саюзам.
Цяпер чытаюць
18‑гадовы былы палітвязень расказаў, што ён сваяк Ціханоўскай. Яго затрымалі, калі ён ехаў ваяваць за Украіну2
Каментары