Генпракуратура не каментуе звесткі пра арышт высокага чыноўніка з Гродна
У інтэрнэце з’явілася інфармацыя пра арышт старшыні Гродзенскага абласнога Савету дэпутатаў Аркадзя Карпуця. Санкцыю нібыта выдаў гепракурор.
У інтэрнэце з’явілася інфармацыя пра арышт старшыні Гродзенскага абласнога Савету дэпутатаў Аркадзя Карпуця. Санкцыю нібыта выдаў гепракурор.
9 красавіка на Блог Гродно s13 змясціў інфармацыю пра арышт старшыні Гродзенскага абласнога Савету дэпутатаў Аркадзя Карпуця. Санкцыю на арышт высокага чыноўніка нібыта выдаў генпракурор Рыгор Васілевіч.
У Генпракуратуры карэспандэнту НН адказалі лаканічна: без каментароў. У прыёмнай Гродзенскага абласнога Савету дэпутатаў паведамілі, што на дадзены момант такой інфармацыі ў іх няма, таму ні пацвердзіць, ні абвергнуць яе пакуль немагчыма.
Гродзенскі журналіст Андрэй Пачобут мяркуе, што з’яўленне такой інфармацыі можа быць наступствам агульнай сітуацыі ў Гродне пасля кадравых перастановак у аблвыканкаме і гучных арыштаў гродзенскіх сілавікоў. Ён лічыць, што інфармацыю пра арышт Карпуця варта ўспрымаць з асцярожнасцю. Са сваіх крыніцаў Пачобут таксама пакуль не мае пацверджання звестак пра чарговы гучны арышт. «Але калі дапусціць, што гэта праўда, то выглядае гэта на працяг грандыёзнай чысткі ў вярхах гродзенскай улады».
***
Карпуць Аркадзь Іванавіч, нар. У 1949 г. Быў старшынёй Бераставіцкага райвыканкаму. Сенатар, член камісіі парламенцкага сходу саюза Беларусі і Расіі па сацыяльнай палітыцы, навуцы, культуры і гуманітарных пытаннях. Чатыры разы запар абіраўся на пасаду старшыні Гродзенскага абласнога савета дэпутатаў
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае24
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары