Прарасійскія рэсурсы запусцілі фэйк пра Фрыдрыха Мерца і паляванне на белых мядзведзяў
Фантазія расійскай прапаганды расцвітае ў мностве кірункаў: цяпер пракрамлёўскія фабрыкі фэйкаў распаўсюдзілі гісторыю пра федэральнага канцлера Германіі Фрыдрыха Мерца, які нібыта застрэліў белую мядзведзіцу, яе двух дзіцянят і цюленя падчас эксклюзіўнага палявання ў Канадзе, піша Bild.
Гэтая гісторыя была апублікаваная на Toronto Journal — сайце без выходных даных, які, мяркуючы па ўсім, створаны спецыяльна для распаўсюджу фэйкавых навін. Усе «журналісты» на сайце — гэта фота, скрадзеныя з рэальнага канадскага выдання Toronto Star.
У відэа паказваецца, верагодна, згенераваная з дапамогай ШІ выява Фрыдрыха Мерца з паляўнічай стрэльбай, які стаіць на каленях перад мёртвым цюленем. Затым дэманструюцца і мёртвыя белыя мядзведзі. Таксама нібыта бярэцца інтэрв'ю ў жыхара інуіцкага пасёлка Корал-Харбар, дзе Мерц быццам бы паляваў. Той эмацыйна гаворыць, што ягоная вёска — не «гульнявая пляцоўка для багацеяў», і што знішчэнне жывёл парушае закон.
Праўда у гэтай гісторыі — толькі тое, што ў Корал-Харбары, невялікім інуіцкім пасёлку на востраве Саўтгемптан на поўначы Канады, сапраўды жыве багатая арктычная фауна, уключаючы белых мядзведзяў.
Першым пра фэйк паведаміў расследавальніцкі партал Gnida, які рэгулярна выкрывае расійскія дэзынфармацыйныя кампаніі. Па яго даных, за гісторыяй стаіць суполка Storm-1516. Гэтая самая суполка ўжо запускала фэйкавыя кампаніі супраць Алімпійскіх гульняў у Парыжы, кандыдаткі ў прэзідэнты ЗША Камалы Харыс, былога міністра замежных спраў Германіі Аналены Бербак і прэзідэнта Украіны Уладзіміра Зяленскага. Фрыдрых Мерц таксама раней рабіўся іх мішэнню — тады яму прыпісвалі сур'ёзныя праблемы са здароўем.
Некалькі амерыканскіх СМІ высветлілі, што ключавую ролю ў гэтым адыгрывае нейкі Джон Дуган — былы намеснік шэрыфа з Фларыды, які збег у Маскву і, як піша NewsGuard, стаў «ключавой фігурай у глабальнай сетцы дэзынфармацыі Расіі».
«Яўрэй-сіяніст напаў на іранскае дзіця». У твітары істэрыя вакол фэйкаў пра беларуса, які напаў на хлопчыка ў маскоўскім аэрапорце
Як адключэнне інтэрнэту ў Іране раптам раскрыла сувязь Тэгерана з шатландскім сепаратызмам
«А Света то не рада!». У публікацыі пра Ціханоўскага адправілі мірыяды ботаў і распаўсюдзілі дыпфэйк
«Байцы «Азова» практыкуюць ахвярапрынашэнні». Праўда?
Прапагандысты разганяюць фэйк пра выдаленне артыкула пра Хатынь у Вікіпедыі
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру8
Каментары