У прэзідэнта ЗША выявілі хранічную вянозную недастатковасць.
Як паведамілі ў Белым доме, 79-гадоваму Трампу давялося прайсці абследаванне з-за «нязначнага ацёку» ног і сінякоў на адной з рук, піша The Hill.
Прэзідэнт ЗША прайшоў ультрагукавое абследаванне і «комплекснае абследаванне», якое ўключала дыягнастычнае даследаванне сасудаў. Яно пацвердзіла, што Трамп пакутуе на хранічную вянозную недастатковасць.
Гэта захворванне ўзнікае, калі вены ног чалавека не могуць нармальна перапампоўваць кроў да сэрца, што прыводзіць да яе застою, і з'яўляецца распаўсюджаным сярод людзей старэйшым за 70 гадоў.
У Белым доме падкрэслілі, што прыкмет трамбозу глыбокіх вен або артэрыяльных захворванняў, якія могуць суправаджацца закаркаваннем, выяўлена не было. Што датычыцца сінякоў на тыльным баку рукі прэзідэнта ЗША, то яго доктар сказаў, што гэтыя сляды «адпавядаюць нязначным пашкоджанням мяккіх тканак ад частых поціскаў рук».
Трамп прайшоў комплексны медыцынскі агляд у красавіку, пасля чаго яго доктар напісаў даведку, у якой адзначыў, што прэзідэнт ЗША мае «выдатнае здароўе».
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк6
Каментары