Прэзідэнт Партугаліі назваў Трампа «аб’ектыўна савецкім або расійскім актывам»
Прэзідэнт Партугаліі Марсэлу Рэбелу дэ Соўза адкрыта раскрытыкаваў прэзідэнта ЗША Дональда Трампа, назваўшы яго «аб’ектыўна савецкім або расійскім актывам». Паводле яго слоў, Трамп, які спрабуе прадставіць сябе галоўным пасярэднікам ва ўрэгуляванні канфлікту паміж Украінай і Расіяй, не зрабіў ніякай карысці для Кіева.
Дэ Соўза заявіў, што новае кіраўніцтва ЗША стратэгічна спрыяе Расійскай Федэрацыі.
Ён прывёў у прыклад абяцанні Трампа наконт ужывання санкцый супраць Масквы, якія не былі выкананыя: хоць ЗША рэгулярна пагражаюць новымі абмежаваннямі, рэальных дзеянняў не адбываецца.
Партугальскі лідар адзначыў, што Трамп імкнецца граць ролю «арбітра», аднак хоча весці перамовы толькі з адным бокам, прымушаючы Кіеў і еўрапейскіх саюзнікаў фактычна ціснуць на Вашынгтон, каб ён таксама ўдзельнічаў у дыялогу.
Прэзідэнт Партугаліі падкрэсліў, што Еўропа недаацаніла значэнне Трампа і трампізму і не чакала такіх кардынальных зменаў у палітыцы ЗША пасля яго вяртання ў Белы дом.
Ён назваў Трампа прыкладам новага, больш эмацыйнага стылю палітычнага лідарства, арыентаванага на прамое ўзаемадзеянне з грамадзянамі, абыходзячы традыцыйных медыя-пасярэднікаў, у свеце, дзе расстаноўка сіл змянілася.
У ЗША і Германіі канстатавалі, што перамоў паміж Расіяй і Украінай найбліжэйшым часам не будзе
«Стагоддзе прыніжэння» Еўропы можа толькі пачынацца — Politico
Трамп заклікаў прыцягнуць да адказнасці Джорджа Сораса
Трамп пераканаў Орбана не перашкаджаць уступленню Украіны ў ЕC — СМІ
У Трампа збіраюцца ўрэгуляваць расійска-ўкраінскі канфлікт да канца года
Цяпер чытаюць
Адцісканні з татам, урокі з мамай. Як жыве і вучыцца сям’я Севярынцаў у Вільні1
Каментары