«Рашызм» у законе вызначаны як «новая разнавіднасць таталітарнай ідэалогіі і практык, што ляжаць у аснове рэжыму, сфарміраванага ў дзяржаве-агрэсары (Расіі), і грунтуюцца на традыцыях расійскага шавінізму і імперыялізму, практыках камуністычнага рэжыму СССР і нацыянал-сацыялізму (нацызму)».
Прэзідэнт Украіны Уладзімір Зяленскі падпісаў закон «Аб асновах дзяржаўнай палітыкі нацыянальнай памяці ўкраінскага народа»: у ім на афіцыйным узроўні замацавана паняцце «рашызм», паведамілі ў Вярхоўнай Радзе Украіны, паведамляе Расійская служба Радыё Свабода.
«Рашызм» у законе вызначаны як «новая разнавіднасць таталітарнай ідэалогіі і практык, што ляжаць у аснове рэжыму, сфарміраванага ў дзяржаве-агрэсары (Расіі), і грунтуюцца на традыцыях расійскага шавінізму і імперыялізму, практыках камуністычнага рэжыму СССР і нацыянал-сацыялізму (нацызму)».
У законе замацаваная абарона памяці ўкраінскай мовы і культурнай спадчыны як складнікаў нацыянальнай бяспекі Украіны.
«Пры ўзброенай агрэсіі супраць Украіны, што пачалася ў лютым 2014 года, дзяржава-агрэсар маніпулюе інтэрпрэтацыямі гістарычных падзей. Адна з складнікаў узброенай агрэсіі Расійскай Федэрацыі — імкненне пазбавіць украінцаў іх гістарычнай памяці», — таксама сказана ў дакуменце.
Закон таксама дае вызначэнні такіх паняццяў, як «вайна за незалежнасць Украіны», «нацыянальная памяць», «гістарычная антыўкраінская прапаганда», «злачынствы супраць украінскага народа» і дэкларуе ўсебаковую падтрымку дзяржавы ў ажыццяўленні навуковых даследаванняў па гісторыі Украіны і папулярызацыі гісторыі краіны.
Тэрмін «рашызм» пачаў выкарыстоўвацца пасля ўварвання расійскіх войскаў у Грузію ў жніўні 2008 года. Пазней ва Украіне ён быў вызначаны як «ідэалогія і практыка кіруючага рэжыму Расійскай Федэрацыі» і стаў выкарыстоўвацца пасля анексіі Расіяй Крыму ў 2014 годзе. Шырокае распаўсюджанне ён атрымаў з пачаткам паўнамаштабнай вайны ў лютым 2022 года.
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне18
Каментары
оно все же ближе и уместнее, чем "нацизм".
я для себя позиционирую "рашизм" как разновидность фашизма на идеологии российского имперского шовинизма.
так в беларусском законодательстве его и надо описывать.
Чакаем каментар ад "акадэмічнай" супольнасьці: што гэта ўсе "наваяз" (што, вядома, само па сабе ўжо несур'ёзна), які не адпавядае "класічнаму" агульнапрынятаму значэньню - а таму не стасуецца з рэчаіснасьцю і не перадае сэнс падзей. Ды ўвогуле - "танная прапаганда" ды "эмацыйная афарбоўка", дылетанцкі і неглыбокі падыход абмежаваных людзей.