У Польшчы суд апраўдаў пяцярых актывістаў, якіх абвінавачвалі ў дапамозе мігрантам каля беларускай мяжы, паведамляе Польскае прэс-агенцтва. Расследаванне цягнулася два гады, а пракуратура патрабавала для іх пакарання — год і чатыры месяцы турмы. Сярод абвінавачаных была і беларуска з Падляшша, Эва Мароз.
Актывістаў абвінавачвалі ў тым, што яны давалі ежу, вопратку і прытулак мігрантам у лесе, а таксама нібыта дапамагалі ім трапіць у Польшчу. Але суд у Гайнаўцы 8 верасня 2025 года прыйшоў да высновы: доказаў таго, што абвінавачаныя мелі нейкую асабістую ці фінансавую выгаду, няма. Таму іх апраўдалі.
Суд падкрэсліў, што для прызнання такога злачынства абавязкова павінна быць даказана выгада для тых, хто дапамагае, а не толькі для мігрантаў.
Працэс выклікаў вялікі розгалас у краіне. На бок абвінавачаных сталі праваабаронцы, прадстаўнікі грамадскасці і нават рада адвакатаў, якія адзначалі, што дапамога людзям у цяжкім становішчы — гэта натуральна і сацыяльна прымальна.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары