У Мінску пачалі ставіць аўтаматы, якія пырскаюць на гараджан дарагой парфумай. Некалькі з іх павесілі ў ГЦ Dana Mall.
Blizko.by праверыў, як працуюць прылады.
На сэнсарным экране паказваюцца флаконы парфуму розных брэндаў. Спачатку трэба выбраць, што вы хочаце на сябе пырснуць, затым аплаціць адно распыленне.
Да аплаты прымаюцца і карты, і манеты. Купюры аўтамат не бярэ і рэшту не выдае. Пасля аплаты неабходна вызначыцца з тым, якую частку цела вы хочаце папшыкаць.
Адзін пшык каштуе ад 2,7 да 3,8 рубля. У асартыменце аўтамата — дарагія парфумерныя брэнды. Напрыклад Kirke tiziana terenzi, Kilian black phantom, Еx nihilo fleur narcotiqu і іншыя.
Цана гэтых парфумаў — ад 660 рублёў за 100 мл да 1000 за 50 мл.
Пасля выбару патрэбнай парфумы і аплаты апарат падказвае, з якога па ліку дазатара выльецца жаданая вадкасць. У аўтамаце амаль усё па-руску. На англійскай тут толькі назвы брэндаў парфумы і інфармацыя пра тое, з якога дазатара выльецца абраны вамі водар.
З мінусаў — няма дэталёвай інфармацыі пра водар. Хаця б каб зразумець: мужчынскі ён ці жаночы, салодкі ці не вельмі.
І яшчэ нюанс — хоць выбраны журналістам «пшык» каштаваў 3,8 рубля, з карты ў яго спісалі 4 рублі. Пасля аўтамат паведаміў, што гэтыя 20 капеек можна яшчэ патраціць — але ж на гэтую суму нельга нічога купіць.
Каментары
Не бы машыну, каб сыр ды віно давала, як на французкіх дарогах і вакзалах