Журналіста Паўла Дабравольскага абвінавацілі ў «здрадзе дзяржаве»
Журналіст Павел Дабравольскі, які ўтрымліваецца ў СІЗА КДБ, абвінавачваецца ў «здрадзе дзяржаве» (ч. 1 арт. 356 Крымінальнага кодэксу). Яму пагражае да 15 гадоў пазбаўлення волі, піша «Радыё Свабода».
Паводле інфармацыі выдання «Позірк», абвінавачанне звязана з прафесійнай дзейнасцю журналіста, які раней працаваў як у беларускіх, так і ў замежных СМІ, у тым ліку ў ўкраінскім часопісе NV.ua (да пачатку поўнамаштабнага ўварвання Расіі). Апошняе месца працы Дабравольскага ў Беларусі — незалежная інфармацыйная кампанія БелаПАН, частка супрацоўнікаў якой у лістападзе 2021 года, напярэдадні яе 30-годдзя, рашэннем КДБ была прызнана «экстрэмісцкім фарміраваннем».
30 кастрычніка 2020 года журналіст быў затрыманы ў сваёй кватэры і потым арыштаваны на 15 сутак. Пасля ад’езду з Беларусі ў канцы 2021 года ён падарожнічаў па розных краінах, у тым ліку ў Іране і Расіі, быў у Паўднёвай Амерыцы, у кастрычніку 2024 года вярнуўся ў Мінск.
Дабравольскі быў затрыманы сёлета 22 студзеня, праз дзесяць дзён пасля свайго 35-годдзя.
26 жніўня праваабарончая супольнасць прызнала яго палітвязнем.
Стала вядома пра арышт журналіста Паўла Дабравольскага
«Я ўпершыню ў жыцці ўбачыў пісталет каля сваёй галавы». Беларуса абрабавалі ў Буэнас-Айрэсе
Дырэктарку даследчай кампаніі Mia Research амаль два гады ўтрымліваюць за кратамі за сацыялагічнае даследаванне
«Кадэбіст выйшаў з пакоя і пакінуў святару пісталет». Што адбываецца з ксяндзом Акалатовічам, якога абвінавацілі ў шпіянажы
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары