Лукашэнка пра чыноўнікаў: Пабудзе недзе ў месцах не так аддаленых — залаты чалавек
Палітык сёння інспектаваў Віцебскую вобласць, метады працы ў ёй ён падвергнуў крытыцы.
«Сумна, але ў Віцебскай вобласці не ўсе мяне пачулі, — сказаў Лукашэнка. — Мы аналізуем сітуацыю ў вобласці. Яна сумная. Яна горш, чым дзе-небудзь, і нават па тых пытаннях, якія для мяне замежавыя і непрымальныя, як пагібель жывёлы, — у вас 140% рост да ўзроўню мінулага года. Гэта для мяне непрымальна», — падкрэсліў ён.
«Беззаконні ў Віцебскай вобласці, пра якія з фатаграфіямі дакладаў мне Камітэт дзяржкантролю, характэрныя для ўсёй краіны. Таму губернатары ўсе тут. Замест канкрэтнай працы і няхай невялікіх, але рэальных пазітыўных зрухаў вы працягваеце займацца прыпіскамі і фальсіфікацыяй інфармацыі, — сказаў Лукашэнка. — Кармы нібыта ёсць, але яны паўсюдна неякасныя — у кожнай пятай сельгасарганізацыі ў палове раёнаў рэспублікі выяўлены парушэнні. Замест сенажа на ўліку ў вас «гнілаж».
Таксама Лукашэнка выказаўся наконт ветэрынарыі: «Дагуляліся, што асобныя гаспадаркі ўвогуле вакцынацыю не праводзяць, а ў іншых лечаць пратэрмінаванымі ветпрэпаратамі. Што вы творыце? Вы замест лекаў упырскваеце цялятам яд — пратэрмінаваныя лекі. Гэта нармальна? У вас ветэрынарныя кадры замест таго, каб выконваць свае прамыя абавязкі, прыдумляюць новыя спосабы схаваць пагібель».
Па яго словах, агулам сітуацыя ў вобласці жахлівая.
«Я ўбачыў, Аляксандр Міхайлавіч (старшыня Віцебскага аблвыканкама Аляксандр Субоцін. — НН), жахлівую сітуацыю ў Віцебскай вобласці. Жахлівая безадказнасць знізу да верху. А мы ніжні пласт узялі. Чым дыхаюць начальнікі, я ведаю.
Я толькі што сказаў: ад страху, калі патрабуеш і іншае, а не дай бог, дзе-небудзь пабудзе ў месцах не так аддаленых — залаты чалавек. Залаты чалавек! Паверце, я назіраю за гэтым, толькі і ведаю: адзін прыйшоў, папрасіў таго адпусціць, ён будзе там працаваць, трэці, пяты — горы звяртаюць. Усе могуць! Але чаму вы не робіце гэта ў спакойным рэжыме?
Вы думаеце, у мяне гэта міма праходзіць, вось пасварыліся, пашумелі, пашумелі там, пакрычалі, нават матных пару слоў камусьці сказаў. І ўсё так прайшло. Ды не, я вельмі эмацыйны, успрымальны чалавек, і мне хацелася б з вамі працаваць па-добраму. Але з вамі немагчыма працаваць па-добраму, калі бачыш, што адбываецца», — сказаў ён.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў38
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары