Колькасць працоўных мігрантаў вырасла ў Беларусі ў паўтара раза. Расце і злачыннасць сярод замежнікаў
Першы намеснік міністра ўнутраных спраў Беларусі Юрый Назаранка заявіў пра павелічэнне міграцыйных патокаў у Беларусь.
За 9 месяцаў 2025 года ў параўнанні з аналагічным перыядам мінулага года колькасць замежнікаў, якія прыязджаюць у Беларусь на працу, павялічылася ў паўтара раза — з 21 тысячы да 32 тысяч чалавек.
На фоне прытоку замежнікаў у краіну адзначаецца павелічэнне на 17% улічаных злачынстваў, учыненых замежнымі грамадзянамі. Іх удзельная вага ў агульнай структуры злачыннасці ў параўнанні з аналагічным перыядам мінулага года троху павялічылася і склала 3,4%.
Колькасць беларускіх грамадзян, якія выязджаюць пры садзейнічанні юрыдычных асоб і ІП для працаўладкавання за мяжу, скарацілася з 3 тысяч да 2 тысяч чалавек. Але рэальны лік такіх беларусаў большы, чым паказвае афіцыйная статыстыка.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца13
Каментары
Факт 2 з артыкула: Адзначаецца павелічэнне на 17% улічаных злачынстваў, учыненых замежнымі грамадзянамі.
Выснова з артыкула: Расце злачыннасць сярод замежнікаў.
Выснова з высновы: У абсалютных лічбах злачынствы павялічылісь, што відавочна пры х1.5, але у адносных паменьшылісь 17 < 50, таму можна было б зрабіць і адваротную выснову — злачыннасць сярод замежнікаў паменьшылась. Тая выснова якая прыведзена спыяе фарміраванню мігрантафобіі. Гэта тое самае што напісаць “Пасля выбараў 2020 года беларусы удзельнікі пратэстаў вымушаны былі масава з’ехаць з краіны. Паменьшаецца колькасць злачынстваў сярод беларусаў.”
Скоро останутся красауцы и мигранты, т.е., Беларусь, будет приведена к идеалу лукашенок и идеальному состоянию для их кошельков и их власти ....