Мужчыны забілі і закапалі суседа — ён зрабіў ім заўвагу за гучную музыку
Следчы камітэт расследуе забойства 35‑гадовага мінчука, у якім падазраюць яго суседзяў — двух братоў, 54 і 60 гадоў. Канфлікт пачаўся са скаргі на шум.
Трагедыя адбылася ў кастрычніку. Паводле СК, у позні час браты выпівалі і гучна слухалі музыку. 35‑гадовы сусед падняўся да іх, каб папрасіць прыцішыць гук.
Падчас сваркі старэйшы з братоў схапіў нож і ўдарыў ім госцю ў шыю.
Маці загінулага праз некалькі дзён заявіла ў міліцыю пра яго знікненне. У смеццевым кантэйнеры былі знойдзеныя рэчы яе сына са слядамі крыві. Таксама міліцыя выявіла, што мужчына з пад'езда не выходзіў, а размяшчэнне камер відэаназірання на пад'ездзе мянялі.
СК паведамляе, што браты праз некалькі дзён вырашылі пазбавіцца ад трупа. Яны загарнулі цела ў покрыва, вынеслі з кватэры, паклалі ў багажнік аўтамабіля і адвезлі ў лясны масіў каля сваёй дачы. Там яны выкапалі яму, перамясцілі туды забітага, засыпалі цэментам і закапалі.
Абодва падазраваныя затрыманыя. Заведзеная крымінальная справа паводле артыкулу «Забойства, здзейсненае групай асоб».
-
Ад праверкі лічыльнікаў да паездкі ў Маскву: як Таццяна міжволі стала кур’ерам махляроў — падрабязная гісторыя
-
Грамадзянін Францыі спрабаваў увезці ў Беларусь пісталет
-
«Гэта Слава Э., ён быў вельмі інтэлігентны і прыстойны». Сумная гісторыя мужчыны, цела якога знайшлі ў доме ў атачэнні сабак у Маладзечанскім раёне
Цяпер чытаюць
Новы старшыня Канстытуцыйнага суда адправіў сына вучыцца на разведчыка ў акадэмію ГРУ. А як пачалася вайна, хутчэй забраў з Расіі13
Каментары
Рускi мiр са сваiмi скрэпамi усё блiжэй i блiжэй да нас падпаузае.