Меркаванні2323

«Вярнуўшыся, мы ўбачым нязвыклы ландшафт на вуліцах гарадоў, якія сталі незнаёмымі»

Культуролаг Юлія Чарняўская патлумачыла ў фэйсбуку, чаму лукашысты ўжо пяць гадоў нішчаць у Беларусі ўсё не сваё, калі яно нават без найменшага намёку на палітыку. І чаму з часам нешта зноў прарасце, але ўжо па-іншаму.

Фота: AP Photo / Pavel Bednyakov

Часам чую: маўляў, столькі добрага і зручнага (мы) стварылі ў Беларусі — і крамы, і кавярні, і культурныя прасторы, і адукацыйныя паслугі, і інтэрнэт-праекты, і карысныя грамадзянскія ініцыятывы, а цяпер Беларусь засталася без усяго гэтага. Навошта «яны» так размялі ўсё па купінах, там было поўна цалкам нейтральных палітычна рэчаў. Такое здзіўленне і адчай, асабіста мне зусім зразумелы.

Але так, для «іх» гэтыя нейтральныя рэчы тояць небяспеку, якую яны якраз выдатна і правільна разумеюць. Небяспека ж не ў бізнэсах, паслугах і імпрэзах. Небяспека ў людзях, якім «больш за ўсіх трэба» (пра мяне так казалі, наслухалася ў дзяцінстве-юнацтве, засвоіла).

Мы ім анталагічна чужыя. Не ў палітыцы справа, а ў самабытнасці. Нічога самастойнага, асаблівага, хоць бы трошкі творчага не трэба, нельга, небяспечна. Чым? А проста тым, што яно ёсць.

Мне, памятаецца, калі я была паўтара года настаўніцай у школе, так дырэктарка і казала: «Ага, вось вы водзіце дзяцей у кіно, у музеі і ў тэатр, а іншыя гэтага не могуць, вы супрацьпастаўляеце сябе калектыву гэтай сваёй таннай папулярнасцю. Зоркай сябе ўявілі?»

Чаму іншыя не могуць? А таму толькі, што не хочуць.

Вось на тых, хто нічога «звыш» не хоча, гэтая цяперашняя культура, як і тагачасная, разлічаная. Усё, што вылучаецца «лица необщим выраженьем» — усё нават не падазронае, а небяспечнае. І мяцеліць будуць сурова. Любое адхіленне ў выразе твару павінна карацца.

Таму, убачыўшы ёлачны шар з партрэтам Геніюш (да нядаўняга часу не толькі шар, але і помнік было можна), не проста адбіраюць гэты шар, які ўвадначас стаў забароненым, але і закрываюць краму. Таму прыходзяць да чалавека, які паскардзіўся на мастацкія вартасці перадачы кагосьці з прапагандыстаў.

Небяспечныя не дзеянні і нават не словы, небяспечныя адхіленні ў драбнюткіх дэталях. Непадабенства — ужо злачынства.

Што будзе далей?

Ну, заўсёды так не будзе, паволі яны пачнуць зніжаць абароты. І ў расколінах, у прасветах дазволенага вырастуць нейкія іншыя мовы культуры.

Гадоў праз пяць-сем. Але пакуль так, гэтак, пакрысе, па кухнях, у прыватных мікраскапічных асяродках гэта будзе развівацца.

Я не сумняюся, што ўсё гэта не прыйдзе звонку, вырасце знутры. І мы, вярнуўшыся, убачым нязвыклы ландшафт на вуліцах гарадоў, якія сталі незнаёмымі. І, дай бог, зможам прынесці яшчэ крыху свайго. Мы ж таксама ціха прабіваемся праз лёд. Праз іншы, праўда. Але таксама мерзлы.

Толькі б гэтыя «необщие люди» тут і там не разгрызліся ў сваім ледавітым жыцці канчаткова…

Каментары23

  • Нана
    28.11.2025
    [Рэд. выдалена]
  • Імя
    28.11.2025
    Але ж русскій мір, якім пераважна дыхалі (і працягваюць) усе гэтыя кавярні, праекты, ды й сама аўтарка, зусім не супярэчыць Лукашэнку. Наадварот, з'яўляецца для таго спрыяльным асяроддзем.
  • Мы і ёсць ландшафт
    28.11.2025
    Не трэба так трагічна драматызаваць! Беларусь і беларусы ёсць і будуць - яны база, аснова, а гэтая ўся навалач вонкавая, наносная, часовая, і яе аднойчы проста змые хваляй. Калі за 230 год ардынскай акупацыі мы не зніклі, то перажывём і гэтыя лічаныя гады.

Цяпер чытаюць

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Усе навіны →
Усе навіны

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям58

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

больш чытаных навін
больш лайканых навін

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць