З 15 студзеня больш не трэба адкрываць візу, каб трапіць у Лаос. Грамадзяне нашай краіны могуць знаходзіцца там на такіх умовах да 30 дзён. Але ўзніклі цяжкасці.
Пра новаўвядзенне 15 студзеня паведамілі ў пасольстве Беларусі ў суседнім В’етнаме.
Сумарны тэрмін бязвізавага знаходжання на працягу года не павінен перавышаць 90 дзён. Калі ж ёсць жаданне застацца ў Лаосе адразу даўжэй, чым на месяц, давядзецца адкрываць візу.
Прамога авіязлучння з Беларуссю ў Лаоса пакуль няма. Самы бюджэтны варыянт дабрацца туды з Мінска ў найбліжэйшыя тыдні будзе каштаваць $482 (каля 1400 рублёў). Праўда, давядзецца зрабіць дзве перасадкі: у Маскве і кітайскім Гуанчжоў.
Але сёння, 20 студзеня, з Onliner.by звязалася Ксенія. Яна сцвярджае, што «ў самім Лаосе пра новаўвядзенне пакуль не ведаюць» і ў краіну па бязвізе яе не пусцілі. Ксенія прыляцела ў аўторак з Малайзіі ў міжнародны аэрапорт Ватай у сталіцы Лаоса — В’енцьяне.
— Гэта найбуйнейшы аэрапорт краіны. Але я ўсё роўна на ўсялякі выпадак загадзя раздрукавала дакумент з патрэбнай інфармацыяй — гэта не дапамагло.
Мяне ганялі ад аднаго супрацоўніка да іншага, якім я паказвала спасылку на сайт пасольства Беларусі ў В’етнаме. У аэрапорце, дарэчы, няма інтэрнэту, але адзін з супрацоўнікаў ветліва падключыў іх службовы. На ўсё мне адказвалі: дык гэта ж В’етнам!
— Але я тлумачыла, што пасольства Беларусі ў В’етнаме абслугоўвае і Лаос. На гэта супрацоўнікі аэрапорта запярэчылі: значыць, новаўвядзенне дзейнічае толькі для дыпламатычных пашпартоў. Што, зноў жа, не так. У выніку мы спыніліся на тым, што пакуль ніякай інфармацыі пра адмену віз для беларусаў у іх няма.
-
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю
-
Пасол Украіны па пытаннях Беларусі: «Пазіцыя Ціханоўскай дакладна не пацыфісцкая»
-
Ці могуць мінскія школьнікі бясплатна карыстацца грамадскім транспартам падчас летніх канікул?
Каментары