Алег Трусаў: Я на рускамоўныя ці расійскія кампаніі не працаваў і працаваць не буду.
Толькі дзве вядомыя асобы адмовіліся паставіць подпісы за перайменаванне вуліцы Ульянаўскай у Мінску ў вуліцу Васіля Быкава. Гэта Мікалай Чаргінец і Алег Трусаў. Пра гэта на прэс‑канферэнцыі ў Мінску паведамілі актывісты кампаніі «Гавары праўду».
Па іх словах, кіраўнік афіцыйнага Саюзу пісьменнікаў Чаргінец патлумачыў сваю пазіцыю тым, што пэўны час таму ўжо звярнуўся з падобнай ініцыятывай да ўладаў і чакае адказу. Што тычыцца Трусава, то ён, маўляў, сваю адмову не абгрунтаваў.
У інтэрв’ю старшыня ТБМ заявіў, што ягоным подпісам ініцыятары не цікавіліся:
«Да мяне звярнуўся прадстаўнік гэтай групы, каб ТБМ дапамагала ім подпісы збіраць за гэтую вуліцу. Мне персанальна падпісвацца ніхто не прапаноўваў, а хацелі, каб ТБМ працавала на гэтую невядомую мне кампанію.
На што я адказаў, што я на рускамоўныя ці расійскія кампаніі не працаваў і працаваць не буду. Таму што паштоўкі ўсе зробленыя па‑расійску, надрукаваныя ў Смаленску… І наогул, за гэтымі кампаніямі стаяць незразумелыя мне людзі».
Трусаў заявіў, што ён не супраць з’яўлення вуліцы Быкава ў Мінску, але гэта мусіць быць не Ўльянаўская, якую прапануюць ініцыятары. На думку кіраўніка ТБМ, найлепш было б звярнуцца да ўладаў з прапановай надаць імя Быкава новай вуліцы.
«Я не разумею, чаму менавіта Ўльянаўская! Што, там Быкаў жыў? Не, ён там не жыў — ён жыў на вуліцы Танкавай. Ну тады давайце вуліцу Танкавую, якую потым зрабілі імя Максіма Танка, падзелім папалам. Палова будзе Максіма Танка, а там, дзе жыў Быкаў (а я быў не раз у яго дома), назваць вуліцай Быкава. Я не разумею, чаму Ўльянаўская…»
-
«Калі ты знаходзішся сам-насам з сабой, хочацца расплакацца, успамінаючы ўсё». Ірына Шчасная пра жыццё на волі і валанцёрства ва Украіне
-
Прадпрымальнік, звязаны з атачэннем Лукашэнкі, валодае адным з самых дарагіх рэстаранаў у Вільні і гатэлем у Троках
-
Дашкевіч чакае ад Бабарыкі і Калеснікавай публічнага прызнання памылак
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць6
Каментары