Мінсувязі распавяло, дзе ў Беларусі паскорыўся інтэрнэт, а дзе прыйдзецца пачакаць
У трох абласцях Беларусі палепшылі 4G-сувязь.
Міністэрства сувязі і інфарматызацыі паведаміла аб значным пашырэнні сеткі LTE ў пачатку 2026 года. Асноўны акцэнт зроблены на Віцебскую, Магілёўскую і Гомельскую вобласці, дзе хуткасць перадачы даных у сельскай мясцовасці вырасла амаль удвая, піша «Мінская праўда».
Амаль тысяча станцый атрымала апгрэйд
У канцы лютага на 356 базавых станцыях Віцебскай вобласці радыёчастотны канал у дыяпазоне 800 МГц пашырылі на 10 МГц. Гэта падвоіла сумарны аб’ём радыёчастотнага спектра.
Прапускная здольнасць LTE вырасла на 56,8%, а сярэдняя хуткасць перадачы даных павялічылася прыкладна ў 1,8 раза — да 21 Мбіт/с.
На такую ж хуткасць інтэрнэту могуць разлічваць жыхары Магілёўскай і Гомельскай абласцей.
Новыя магчымасці адчуюць жыхары буйных гарадоў — Магілёва, Віцебска, Гомеля, Бабруйска, Жлобіна, Светлагорска — і невялікіх населеных пунктаў, уключаючы Тураў, Добруш, Хоцімск, Буда-Кашалёва, Бягомль, Нароўлю, Асвею, Сураж, Доўск, Дунілавічы і іншыя.
Новыя планы па паскарэнні сувязі
Да канца 2026 — пачатку 2027 года прапускную здольнасць павялічаць для ўсіх базавых станцый Мінскай, Брэсцкай і Гродзенскай абласцей.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты44
Каментары