Прэзідэнт ЗША Дональд Трамп напісаў у сваёй сацсетцы Truth Social, што «большасць саюзнікаў» па НАТА паведамілі Вашынгтону, што не хочуць умешвацца ў ваенную аперацыю ЗША і Ізраіля супраць Ірана. Гэта выклікала ў яго моцны гнеў.
«Амаль кожная з гэтых краін цалкам пагаджалася з нашымі дзеяннямі і прызнавала, што Ірану ні ў якім разе нельга дазволіць мець ядзерную зброю.
Я не здзіўлены іх дзеяннямі, аднак толькі таму, што я заўсёды лічыў НАТА, дзе мы трацім сотні мільярдаў даляраў на год, абараняючы тыя самыя краіны, дарогай з аднабаковым рухам — мы будзем абараняць іх, але яны нічога не зробяць для нас у выпадку патрэбы.
На шчасце, мы разбурылі іранскую армію — іх флот знішчаны, іх паветраныя сілы знішчаныя, іх супрацьпаветраная абарона і радыёлакацыйныя сістэмы знішчаныя і, магчыма, самае галоўнае, іх кіраўнікі амаль усіх узроўняў знішчаныя, каб ніколі больш не пагражаць нам, нашым саюзнікам на Блізкім Усходзе ці свету!
Дзякуючы таму, што мы дасягнулі такога ваеннага поспеху, мы больш не «маем патрэбы» і не жадаем дапамогі краін НАТА — мы і ніколі ў ёй не мелі патрэбы! Тое самае тычыцца Японіі, Аўстраліі ці Паўднёвай Карэі», — напісаў Трамп.
«Абуральнай фанабэрыстасцю» назваў нежаданне Еўропы далучацца да вайны, развязанай ЗША ў Іране, і амерыканскі сенатар-рэспубліканец Ліндсі Грэм.
Каментуючы сваю размову з Трампам пра нежаданне еўрапейскіх саюзнікаў выдзеліць рэсурсы для забеспячэння функцыянавання Армузскага праліва, Грэм адзначыў: «Ніколі ў жыцці я не чуў ад яго такога гневу».
«Фанабэрыстасць нашых саюзнікаў, якія лічаць, што Іран з ядзернай зброяй не з’яўляецца сур’ёзнай праблемай, а ваенныя дзеянні, накіраваныя на тое, каб не даць аятолам атрымаць ядзерную бомбу, з’яўляюцца нашай праблемай, а не іхняй, — гэта проста абуральна. Еўрапейскі падыход да стрымлівання ядзерных амбіцый аятолаў аказаўся жаласнай паразай. Наступствы недастатковай дапамогі ў забеспячэнні функцыянавання Армузскага праліва будуць маштабнымі і глыбокімі для Еўропы і Амерыкі», — напісаў Грэм у сацсетцы Х.
Трамп заявіў, што «ўзяць Кубу ў той ці іншай форме» — гэта «вялікі гонар»
Трамп папрасіў перанесці візіт у Кітай на месяц
Трамп: Я да іх звяртаюся не таму, што яны нам патрэбныя, а хачу паглядзець на рэакцыю
«Узровень энтузіязму для мяне мае значэнне». Трамп згадаў пра краіны, якія не хочуць дапамагаць яму ў Армузскім праліве
Вялікабрытанія і Германія адмовіліся адпраўляць караблі ў Армузскі праліў
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны20
Каментары