Мэр Вільні прапануе не падаўжаць дазвол на жыхарства тым, хто не валодае літоўскай мовай на пачатковым узроўні
Па словах Валдаса Бенкунскаса зараз самы час вызначыцца ў пытанні палітыкі, каб у будучыні пазбегнуць сур’ёзных наступстваў.
«Сёння мы знаходзімся ў важнай кропцы: або бяром сябе ў рукі і ўводзім ясныя правілы, або пускаем усё на самацёк і паўтараем памылкі іншых краін Еўропы», — сказаў Бенкунскас, піша Delfi.lt.
Мэр сталіцы Літвы выказаўся за тое, каб у прыезджых была матывацыя вывучаць літоўскую, таму прапануе звязаць выдачу дазволу на жыхарства з валоданнем мовай.
«Прашу міністра ўнутраных спраў ініцыяваць патрабаванне, каб часовы дазвол на жыхарства падаўжалі толькі тым, хто валодае літоўскай на ўзроўні не ніжэй за A2», — сказаў мэр.
Муніцыпалітэт адкрыў платформу ў інтэрнэце. Яна дае магчымасць мігрантам вывучаць літоўскую (за ўрокі яны плацяць самі), горад толькі забяспечвае бясплатныя месцы для выкладання. Першыя вынікі паказалі вялікі інтарэс з боку замежнікаў — менш чым за тыдзень платформу наведалі 15 000 карыстальнікаў, амаль 3 000 падпісаліся на абнаўленні.
«За 5 працоўных дзён мы атрымалі запыты ад 600 замежнікаў, якія хочуць удзельнічаць у праграме выкладання мовы. Я б сказаў, што гэта добры вынік. А працэс толькі пачаўся», — парадаваўся мэр.
***
Калі вы жывяце ў Літве, то можаце падтрымаць «Нашу Ніву» часткай вашага падаходнага падатку. Гэта не будзе каштаваць вам ані цэнта.
Вы проста перанакіруеце 1,2% ад ужо сплачанага вамі падатку пры падачы штогадовай дэкларацыі.
Вось падрабязная інструкцыя, я гэта зрабіць, калі вы працуеце ў Літве.
Калі вы працуеце ў Польшчы — то вам сюды.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары