Пра гэта паведаміла сёння старшыня Цэнтральнай камісіі па выбарах і правядзенні рэспубліканскіх рэферэндумаў Лідзія Ярмошына, выступаючы перад удзельнікамі сходу клуба маладых дэпутатаў «Выбар маладых».
«Паколькі выбары прэзідэнта павінны адбыцца да 6 лютага ўключна, выбарчая кампанія пачнецца не пазней за 6 лістапада», — сказала Лідзія Ярмошына.
Яна нагадала, што ў гэтым годзе ўступілі ў сілу змяненні ў Выбарчы кодэкс Беларусі, і маючыя адбыцца прэзідэнцкія выбары пройдуць па змененых правілах. У прыватнасці, пасяджэнні выканаўчых камітэтаў, на якіх будуць фарміравацца выбарчыя камісіі, павінны праходзіць адкрыта, з удзелам прадстаўнікоў тых, хто прэтэндуе на ўдзел у дзейнасці выбаркамаў. Ёсць нямала выпадкаў, калі выканкамы праводзяць гэту працэдуру ў вузкім коле, аднак у гэтай выбарчай кампаніі такога быць не павінна.
Лідзія Ярмошына адзначыла, што кожны кандыдат у прэзідэнты павінен сабраць больш за 100 тыс. подпісаў у сваю падтрымку.
«Для таго каб гэта зрабіць, патрэбны магутныя ініцыятыўныя групы колькасцю больш за 100 чалавек», — сказала старшыня ЦВК.
Цяпер чытаюць
Скандал у «Еўраопце». 96‑гадоваму дзядулю не дазволілі прысесці на крэсла каля касы21
Каментары