Халадзільнае абсталяванне трох рэгіянальных банкаў крыві ў Францыі пацярпела ад кібератакі ў ноч з нядзелі на панядзелак, у той самы час, калі хакеры атакавалі супермаркеты ад Швецыі да Бельгіі, піша Reuters.
Атака адбылася ў ноч на 2 лістапада — адначасова з узломамі халадзільнага абсталявання ў супермаркетах некалькіх еўрапейскіх краін.
Паводле Міністэрства аховы здароўя Францыі, у цэнтрах службы крыві EFS пацярпелі некаторыя сістэмы кантролю і кіравання халадзільнымі камерамі.
Прадстаўніца EFS Шарлі Дзюбуа патлумачыла, што ў цэнтрах кругласутачна ёсць супрацоўнікі, бо кроў можа спатрэбіцца ў любы момант. Калі сістэмы падалі сігналы пра праблемы, персанал перанёс запасы ў халадзільнікі, якія не былі падлучаныя да сеціва.
Да 4 лістапада сітуацыю ўзялі пад кантроль. Аддалены доступ да пацярпелага абсталявання адключылі. Спецыялісты высвятляюць, як адбыўся ўзлом, якія прылады ён закрануў і калі іх можна будзе бяспечна вярнуць у працу.
Прыкладна ў той жа час хакеры ўмяшаліся ў працу халадзільнікаў у крамах васьмі еўрапейскіх краін. Праз павышэнне тэмпературы гандлёвым сеткам давялося выкінуць вялікую колькасць прадуктаў.
Хто стаіць за гэтымі нападамі, пакуль высвятляюць.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары