Гурт «Без білета» хэйцяць за гастролі ў Расіі. Віталь Артыст адказаў
Саліст мінскага гурта «Без білета» Віталь Артыст, які выступае з канцэртамі ў Расіі, расказаў пра негатыўную рэакцыю, з якой чамусьці сутыкаецца праз свае гастролі. Маўляў, людзі, якія з’ехалі з Беларусі і Расіі, абражаюць яго і пагражаюць. Хоць, маўляў, для выступаў перад расійскай публікай у яго ёсць важкія прычыны.
Музыка задаецца пытаннем, дзе яму яшчэ выступаць, калі ён жыве ў Беларусі і хоча займацца музыкай, падарожнічаць і дапамагаць дзецям. На ягоную думку, музыкі не павінны несці адказнасць за тое, што адбываецца ў свеце. Ён падкрэслівае, што яны, як і ўсе іншыя людзі, хочуць міру і сяброўскіх адносінаў з суседнімі краінамі.
У якасці прыкладу музыкант прывёў лідара гурта ДДТ Юрыя Шаўчука, які працягвае жыць і выступаць у Расіі.
Ён пажадаў усім, хто з’ехаў з краіны, поспехаў і мірнага жыцця, а таксама заклікаў людзей вучыцца жыць па-чалавечы.
Гурт «Без білета» пачаў пасля перапынку ў чатыры гады гастраляваць у Расіі з пачатку 2026 года. Перад тым Віталя Артыста, саліста і стваральніка беларускага гурта «Без Білета», 19 кастрычніка 2025 года ўключылі ў базу ўкраінскага сайта «Міратворац», дзе публікуецца інфармацыя пра меркаваных «прарасійскіх тэрарыстаў, сепаратыстаў, наймітаў, ваенных злачынцаў і забойцаў».
Перад тым спявак выклаў у тыкток ролік, дзе распавёў пра сваю паездку ў Крым. Ён патлумачыў выбар кірунку ў тым ліку цяжкасцямі вандроўкі ў Еўропу і пацікавіўся ў падпісчыкаў, ці не «зашквар» ездзіць на акупаваную Расіяй паўвыспу.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос3
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары
Таму імітацыяй дзейнасьці ды выглядам дапамогі рэжым перамагчы дакладна не атрымаецца. Гэтак жа, як і не атрымаецца пад акупацыяй "проста займацца музыкай".