У Пінскім раёне патанулі 6-гадовая дзяўчынка і 36-гадовы мужчына
Паводле слоў відавочцаў, спачатку мужчына вучыў дзяцей плаваць, а потым пасадзіў дзяўчынку сабе на спіну і паплыў разам з ёю.
Як паведамілі ў пракуратуры Пінскага раёна, трагедыя адбылася 26 ліпеня каля 21.30 на вадаёме непадалёк ад Лагішына.
Дзяўчынка разам з мачыхай і старэйшай сястрой адправілася сустракаць карову з пашы. Жанчына пагнала жывёлу дамоў, будучы ўпэўненай, што дзеці ідуць за ёю. Як высветлілася потым, сёстры засталіся каля вадаёма і сталі купацца разам з іншымі дзецьмі. Разам з дзецьмі пайшоў купацца 36-гадовы мужчына, які рыбачыў на беразе.
Паводле слоў відавочцаў, спачатку ён вучыў дзяцей плаваць, а затым пасадзіў шасцігадовую дзяўчынку сабе на спіну і паплыў разам з ёю. Не ўтрымаўшыся на паверхні, мужчына пайшоў пад ваду разам з дзяўчынкай.
Іх целы дасталі з вадаёма ў тры гадзіны ночы 27 ліпеня. Абставіны трагедыі высвятляе раённая пракуратура.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары