Гэтым разам за артыкулы пра камітэт дзяржкантролю.
Гэты разам за артыкулы пра камітэт дзяржкантролю.
13 верасня міністр інфармацыі Алег Праляскоўскі падпісаў чарговае папярэджанне «Народнай волі». Гэтым разам па версіі Міністэрства інфармацыі незалежная газета парушыла артыкул 4 Закона «Аб СМІ». Выданне вінавацяць у распаўсюдзе неадпаведнай рэчаіснасці інфармацыі. Гаворка ідзе пра артыкулы «КДБ адправіў дзяржкантроль у накаўт» і «У КДК разгараецца новы карупцыйны скандал».
У папярэджанні Мінінфармацыі гаворыцца, што «распаўсюд непраўдзівай інфармацыі пра дзейнасць Камітэта дзяржаўнага кантролю дыскрэдытуе ўказаны орган, можа адмоўна адбіцца на яго дзейнасці і пацягнуць іншыя негатыўныя наступствы».
Нагадаем, што першае папярэджанне ў найноўшай гісторыі выданне атрымала ў лістападзе 2009 г. за публікацыю ліста Ігара Драко, дзе Міністэрства інфармацыі пабачыла «заклікі да экстрэмісцкай дзейнасці». У студзені гэтага года газета атрымала папярэджанне за няправільны пералік газетных шапікаў, дзе можна падпісацца на «Народную волю» па льготнай цане. 31 мая міністр інфармацыі Алег Праляскоўскі выпісаў папярэджанне за публікацыю ў выданні ўспамінаў Іллі Копыла «Нябышына. Вайна».
Цяпер чытаюць
Шалёна папулярная мінская блогерка патраціла на святкаванне дня нараджэння амаль $16 тысяч16
Каментары