Галоўным вынікам 23-га тура чэмпіянату Беларусі па футболе сталася тое, што кола прэтэндэнтаў на чэмпіёнства звузілася да трох клюбаў. Леташні чэмпіён салігорскі «Шахтар», відаць, ужо ня зможа пазмагацца за золата першынства.
Галоўным вынікам 23-га тура чэмпіянату Беларусі па футболе сталася тое, што кола прэтэндэнтаў на чэмпіёнства звузілася да трох клюбаў. Леташні чэмпіён салігорскі «Шахтар», відаць, ужо ня зможа пазмагацца за золата першынства. «Гарнякі» ў гасьцях мінімальна саступілі жодзінскаму «Тарпэда» – 0:1. На 63-й хвіліне гульні гол забіў малады нападнік «аўтазаводцаў» Раман Лазерка. Яшчэ тэарэтычна салігорцы маюць шанцы на чэмпіёнства, але на практыцы зрабіць тое амаль немагчыма. Жодзінцы, дзякуючы перамозе, амаль зарэзэрвавалі сабе месца ў эліце налета.
Затое з найвышэйшай лігі ўжо дакладна вылятае бабруйская «Белшына». Небаракі-«шыньнікі» прайгралі і на гэты раз. Цяпер іхнімі крыўдзіцелямі выступіла ждановіцкая «Дарыда», якую на поле вывеў новы галоўны трэнэр; матч скончыўся з вынікам 1:0.
Другім няўдачнікам чэмпіянату рызыкуе стаць менскі «Лякаматыў». Чыгуначнікі без варыянтаў саступілі лідэру чэмпіянату – барысаўскаму БАТЭ зь лікам 4:2. У пераможцаў хет-трык зрабіў Генадзь Блізьнюк.
У пагоні за барысаўцамі працягваюць ісьці два менскія клюбы – «Дынама» і МТЗ-РІПА. Абодва ў нядзелю ўзялі верх над сваімі супернікамі. «Дынамаўцы» разграмілі дома «Гомель» 4:1. Дубль аформіў Эду. А «трактаразаводцы» на сваім стадыёне адужалі магілёўскі «Дняпро» – 3:1. Дарэчы, магілёўцы зараз аказаліся ў незайздросным становішчы. За захаваньне прапіскі ў эліце іх яшчэ чакаюць нежартоўныя баі.
Астатнія матчы туру скончыліся наступным чынам: «Дынама» (Берасьце) – «Лякаматыў» (Віцебск) 0:0, «Нёман» – «Нафтан» 2:3.
Турнірная табліца пасьля 23 тураў выглядае наступным чынам:
1. БАТЭ – 50 пунктаў;
2. МТЗ-РІПА – 45;
3. «Дынама» (Менск) – 45;
4. «Шахтар» – 42;
5. «Гомель» – 40...
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары