Сёння завяршаецца фарміраванне тэрытарыяльных выбарчых камісій
29 верасня завяршаецца фарміраванне тэрытарыяльных выбарчых камісій на выбарах прэзідэнта, паведаміў БелаПАН сакратар Цэнтрвыбаркама Мікалай Лазавік.
Усяго будзе створана 155 тэрытарыяльных камісій, у тым ліку: 118 раённых, 24 раённыя ў гарадах, шэсць раённых у гарадах абласнога падпарадкавання (Орша, Барысаў, Пінск, Полацк, Наваполацк, Жодзіна), шэсць абласных і адна Мінская гарадская.
Права вылучаць прадстаўнікоў у склад тэрытарыяльных камісій мелі палітычныя партыі, грамадскія аб’яднанні, працоўныя калектывы і грамадзяне шляхам збору подпісаў.
Усяго для працы ў тэрытарыяльных выбарчых камісіях быў вылучаны 2.681 чалавек.
Найбольшую колькасць прадстаўнікоў вылучылі ў тэрытарыяльныя камісіі грамадскія аб’яднанні і палітычныя партыі — 1.177.
З 15 зарэгістраваных палітычных партый сваіх прадстаўнікоў у склад тэрытарыяльных камісій вылучылі дзесяць. Апазіцыйныя партыі прапанавалі 70 чалавек, у тым ліку Беларуская партыя левых «Справядлівы свет» — 36, Аб’яднаная грамадзянская партыя — 24, Партыя БНФ — сем, Беларуская
З грамадскіх арганізацый найбольш актыўнымі былі прафсаюзы (269 чалавек), грамадскае аб’яднанне «Белая Русь» (151) і БРСМ (142).
Лазавік паведаміў, што па 17 кастрычніка ўключна будзе праходзіць стварэнне ўчасткаў для галасавання. Пасля гэтага пачнецца вылучэнне прадстаўнікоў у склад участковых выбарчых камісій, якое завершыцца 31 кастрычніка. Фарміраванне ўчастковых камісій будзе праходзіць да 3 лістапада ўключна.
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі59
Каментары