Галоўны трэнер кіеўскага «Дынама» Валерый Газаеў пайшоў у адстаўку
Гэта адбылося пасля паразы ўкраінцаў ад малдаўскага «Шэрыфа» 0:2 у другім туры групавога этапа Лігі Еўропы.
У турнірнай табліцы групы Е кіяўляне займаюць апошняе месца, набраўшы адно ачко. Лідзіруе барысаўскі БАТЭ (4 ачкі), за якім ідуць галандскі АЗ і «Шэрыф» (па 3).
Газаеў ужо падаваў прашэнне аб адстаўцы пасля дамашняй нічыёй 2:2 з БАТЭ 16 верасня, аднак тады яна не была прынята.
За 16 месяцаў працы ў «Дынама» Газаеў выйграў толькі Суперкубак Украіны, зазначаюць у клубе. У сезоне 2009/10 з розыгрышу Кубка Украіны «Дынама» выбыла на стадыі ¼ фіналу, саступіўшы данецкаму «Шахцёру». У групавым турніры Лігі чэмпіёнаў каманда фінішавала на чацвёртым месцы. У чэмпіянаце краіны кіяўляне задаволіліся «серабром».
У сезоне 2010/11 «Дынама» для ўдзелу ў Лізе чэмпіёнаў павінна было прайсці кваліфікацыю, аднак з пастаўленай задачай не справілася, абмежаваўшыся трапляннем у Лігу Еўропы.
Выканаўцай абавязкаў галоўнага трэнера «Дынама» прызначаны вядомы ў мінулым гулец Алег Лужны.
Варта зазначыць, што «Шэрыф», які выйграў у кіяўлян, трэніруе беларускі спецыяліст Андрэй Сасніцкі.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза5
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары