Першы альбом беларускай прэс-фатаграфіі прэзентаваны 2

Вечарам 3 сакавіка ў менскай галерэі «Ў» было не прапіхнуцца.

Прамаўляе куратар сёлетняга конкурса Вадзім Заміроўскі.

Зала поўная.

Юлія Дарашкевіч — рэдактар каталогу.

Зміцер Вайцюшкевіч ладзіць аукцыён.

А таксама спявае.

Прэзентацыя каталога «Беларусь Прэс-фота 2010» зусім не нагадвала панылыя сходы вузкага кола «сваіх». Большая частка з тых, хто ахвяраваў свой вечар на прэзентацыю альбома фатаграфій, вядома, гэтай самай фатаграфіяй цікавяцца. Аднак афіцыёзу мерапрыемства было пазбаўленае абсалютна.

Фатографы прамаўлялі коратка і сціпла, Вайцюшкевіч падбіваў публіку набываць альбомы і спяваў гучна і імпазантна. Прычым здолеў прадаць адзін з каталогаў з аукцыёна па патройным кошце.

Адным словам, выданне першага ж каталогу конкурса «Беларусь Прэс-фота» стала заўважнай падзеяй. Калі так пойдзе далей, то нават сусветны конкурс фотажурналістыкі «World Press Photo» будзе падавацца беларусам правінцыйным.

Каталог яшчэ можна набыць ў незалежных распаўсюднікаў. Дa прыкладу — у той самай галерэі «Ў». Пачытаць аб ім падрабязней можна тут.

Таксама можна паўдзельнічаць ў сёлетнім конкурсе. Падрабязная інфармацыя тут. Тэрмін прыёму прац — да 10 сакавіка ўключна.

АП, фота Сержука Голіка

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ