Лівійскі лідэр Муамар Кадафі ізноў з’явіўся ў спісе ганаровых дактароў Беларускага дзяржаўнага ўніверсітэта інфарматыкі і радыёэлектронікі.Нагадаем, што 7 красавіка палкоўнік з пераліку ганаровых дактароў знік, а адміністрацыя адмовілася каментаваць сітуацыю, спаслаўшыся на тое, што іх куды больш цікавіць лёс лівійскіх аспірантаў, а не знікненне «Лідара Вялікай Лівійскай Рэвалюцыі» (менавіта такім чынам Кадафі характарызуецца на сайце ВНУ).
Навіна пра тое, што Кадафі атрымаў ганаровага доктара БДУІР «за значны ўнёсак у развіццё адукацыі і навукі, а таксама за ўмацаванне супрацы між ВНУ Рэспублікі Беларусь і Вялікай Сацыялістычнай Народнай Лівійскай Арабскай Джамахірыі», з’явілася пасля таго як у Лівіі мірныя пратэсты пачалі душыць танкамі і авіяцыяй. У байнэце паўжартам пачалі казаць пра БДУІР, як пра верагоднае месца працы для Кадафі ў выгнанні.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары